ຕາມຂ່າວ CRI: ທ່ານເກິງສວງ ໂຄສົກກະຊວງການຕ່າງປະເທດຈີນເປີດເຜີຍໃນວັນທີ 21 ມິຖຸນານີ້ວ່າ, ທ່ານຫຼີເຄີ້ສຽງ ນາຍົກລັດຖະມົນຕີຈີນຈະເຂົ້າຮ່ວມກອງປະຊຸມເວທີປຶກສາຫາລືດາວົສຄັ້ງທີ 11 ທີ່ຈະຈັດຂຶ້ນຢູ່ເມືອງຕ້າຫຼຽນ ສປ ຈີນແຕ່ວັນທີ 26 ຫາວັນທີ 28 ມິຖຸນານີ້, ແລະກ່າວປາໄສໃນພິທີເປີດ. ໃນໄລຍະດັ່ງກ່າວທ່ານຫຼີເຄີ້ສຽງຈະພົບປະກັບຜູ້ນຳຂອງປະເທດຕ່າງໆທີ່ເຂົ້າຮ່ວມປະຊຸມ, ລວມທັງຈະປຶກສາຫາລືກັບຜູ້ແທນກອງປະຊຸມຈຳນວນໜຶ່ງແລະກັບບຸກຄົນໃນວົງການອຸດສາຫະກຳການຄ້າ, ການທະນາຄານ, ຄັງປັນຍາ, ສື່ມວນຊົນແລະອື່ນໆ.
ເວທີປຶກສາຫາລືຄັ້ງນີ້ເນັ້ນຫົວຂໍ້ "ບັນລຸການເຕີບໂຕແບບກວມລວມໃນໄລຍະປະຕິວັດອຸດສາຫະກຳຄັ້ງທີ 4", ໂດຍມີບຸກຄົນສຳຄັນທາງການເມືອງ, ເຈົ້າໜ້າທີ່, ນັກທຸລະກິດ, ຜູ້ຊ່ຽວຊານແລະຜູ້ຕາງໜ້າສື່ມວນຊົນ 1500 ກວ່າຄົນຈາກ 90 ກວ່າປະເທດເຂົ້າຮ່ວມ.
 |
