ສົມເດັດຊານມານ ບິນ ອັບດູລາຊິສ ອານ ຊາວ ເຈົ້າຊີວິດ ທັງເປັນນາຍົກລັດຖະມົນຕີອາຣັບບີຊາອຸດິດໄດ້ອອກຄຳສັ່ງປົດສະເດັດໂມຮາເມັດ ບິນ ນາເຢັຟ ຜູ້ເປັນຫຼານຕຳແໜ່ງອົງມົງກຸດແລະລັດຖະມົນຕີກະຊວງພາຍໃນ ແລະແຕ່ງຕັ້ງສະເດັດໂມຮາເມັດ ບິນ ຊານມານ ລູກຕົນ ຈາກຮອງອົງມົງກຸດເປັນອົງມົງກຸດ ແລະສືບຕໍ່ດຳລົງຕຳແໜ່ງລັດຖະມົນຕີກະຊວງປ້ອງກັນຊາດ.
ໂທລະພາບແຫ່ງຊາດອາຣັບບີຊາອຸດິດລາຍງານວ່າ, ມີສະມາຊິກ 31 ຄົນຈາກ 34 ຄົນໃນຄະນະກຳມະການເລືອກເຟັ້ນຜູ້ສືບທອດບັນລັງ ໄດ້ສະໜັບສະໜູນການແຕ່ງຕັ້ງດັ່ງກ່າວ. ແລະສະມາຊິກຈຳນວນນີ້ລ້ວນແຕ່ເປັນສະມາຊິກພະບໍລົມມະວົງສານຸວົງ.
ນີ້ເປັນເທື່ອທີສອງທີ່ສົມເດັດຊານມານປົດອົງມົງກຸດ ພາຍຫຼັງສົມເດັດຂຶ້ນຄອງບັນລັງໃນເດືອນມັງກອນປີ 2015 ເປັນຕົ້ນມາ.
 |
