ຕາມຂ່າວCRI: ຄະນະຜູ້ແທນສະມາຄົມນັກຂ່າວໄທທີ່ນຳໂດຍທ່ານ ພຣອຍ ສຳບັດ ໄດ້ເດີນທາງໄປເມືອງໂຮຮັອດເຂດປົກຄອງຕົນເອງມົງໂກໃນ ສປ ຈີນໃນວັນທີ 21 ມິຖຸນານີ້ ເພື່ອຢ້ຽມຢາມແລະທັດສະສຶກສາເປັນເວລາ 3 ວັນ.
ຄະນະຜູ້ແທນດັ່ງກ່າວໄດ້ຢ້ຽມຊົມ ສຳນັກງານໜັງສືພິມມົງໂກໃນລາຍວັນແລະ ສະຖານີວິທະຍຸໂທລະພາບເຂດມົງໂກໃນ ແລະສອງຝ່າຍໄດ້ແລກປ່ຽນກັນຢ່າງກວ້າງຂວາງກ່ຽວກັບສື່ດັ້ງເດີມຈະຮັບມືກັບການທ້າທາຍຈາກສື່ໃໝ່ແນວໃດ, ການເຊື່ອມໂຍງກັນພັດທະນາລະຫວ່າງສື່ດັ້ງເດີມແລະສື່ໃໝ່, ການອັບເດດເຕັກນິກໃນຍຸກຫຼາຍຂະແໜງການສື່, ສື່ມວນຊົນຈະເຮັດວຽກງານໂຄສະນາແນວໃດ ລວມທັງສື່ມວນຊົນສອງປະເທດຈະເຂົ້າຮ່ວມການສ້າງ "ໜຶ່ງແລວທາງໜຶ່ງເສັ້ນທາງ" ແນວໃດ ດ້ວຍການອີງໃສ່ທ່າແຮງຂອງຕົນ ແລະອື່ນໆ ຂະນະດຽວກັນກໍໄດ້ເປັນເອກະພາບຮັດແໜ້ນການຮ່ວມມືລະຫວ່າງສື່ມວນຊົນຈີນໄທເວົ້າລວມ, ເວົ້າສະເພາະລະຫວ່າງສື່ມົງໂກໃນກັບໄທ ເພື່ອປະກອບສ່ວນເຂົ້າໃນການພັດທະນາເສດຖະກິດ, ສັງຄົມແລະການທ່ອງທ່ຽວຂອງສອງປະເທດໃຫ້ຫຼາຍກວ່າເກົ່າ.