ລັດຖະມົນຕີການຕ່າງປະເທດແລະເຈົ້າໜ້າທີ່ອາວຸໂສຟີລິບປິນ,ອິນໂດເນເຊຍແລະມາເລເຊຍໄດ້ພົບປະກັນຢູ່ນະຄອນຫຼວງມະນີລາ ປະເທດຟີລິບປິນໃນວັນທີ 22 ມິຖຸນານີ້ໂດຍໄດ້ຄົ້ນຄວ້າຍຸດທະສາດຕ້ານການກໍ່ການຮ້າຍຮ່ວມເພື່ອຮັບມືກັບສະຖານະການກໍ່ການຮ້າຍໃນພາກພື້ນ ແລະຮັບປະກັນບໍ່ໃຫ້ກຸ່ມປະກອບອາວຸດຫົວຮຸນແຮງຄົງຕົວຢູ່ອາຊີຕາເວັນອອກສຽງໃຕ້.
ສາມປະເທດດັ່ງກ່າວເຫັນດີວ່າ ເພື່ອສະກັດກັ້ນບໍ່ໃຫ້ກຸ່ມຫົວຮຸນແຮງISເປີດຖານທີ່ໝັ້ນຢູ່ໃນພາກພື້ນຕົນ, ຄວນຊົມໃຊ້ຂ່າວລັບແລະຂໍ້ມູນຂ່າວສານຮ່ວມກັນໃຫ້ຫຼາຍຂຶ້ນ, ຕັດແຫຼ່ງທຶນທີ່ສະໜັບສະໜູນການກໍ່ການຮ້າຍ, ສະກັດກັ້ນການເຜີຍແຜ່ເນື້ອໃນກ່ຽວກັບລັດທິຫົວຮຸນແຮງແລະລັດທິກໍ່ການຮ້າຍທາງອິນເຕີເນັດໂດຍສະເພາະສື່ສັງຄົມອ໋ອນລາຍ.
ຂະນະດຽວກັນທັງສາມປະເທດໄດ້ໃຫ້ຄຳໝັ້ນສັນຍາວ່າ: ຈະໃຊ້ມາດຕະການສະກັດກັ້ນການຄ້າຂາຍອາວຸດທີ່ຜິດກົດໝາຍ, ປ້ອງກັນບໍ່ໃຫ້ຜູ້ກໍ່ການຮ້າຍເຄື່ອນໄຫວຢ່າງເສລີ,ສະກັດກັ້ນບໍ່ໃຫ້ເຜີຍແຜ່ເນື້ອຫາຂອງລັດທິຫົວຮຸນແຮງດ້ວຍການໂຄສະນາ, ເຂດຊຸມຊົນ, ສາສະໜາ, ຂະນະດຽວກັນກໍຕ້ອງໄດ້ສົ່ງເສີມແນວຄິດການໃຫ້ອະໄພ,ອ່ອນໂຍນ,ສາມັກຄີ, ປະຕິບັດໂຄງການຕໍ່ຕ້ານການກໍ່ການຮ້າຍທີ່ບໍ່ໃຫ້ເກີດມີຫົວຮຸນແຮງ,ສາມາດດັດນິໄສແລະເຂົ້າສັງຄົມໄດ້.
 |
