ຄະນະຜູ້ແທນເຈົ້າໜ້າທີ່ອາວຸໂສຂະແໜງການສຶກສາອາຊຽນທີ່ກຳລັງຢ້ຽມຢາມຈີນນັ້ນໄດ້ເດີນທາງຢ້ຽມຢາມສູນຈີນ-ອາຊຽນນະຄອນຫຼວງປັກກິ່ງໃນວັນທີ 21 ມິຖຸນານີ້.
ທ່ານວົງເທບອາທະກາຍວັນວະທີ ຫົວໜ້າຄະນະຜູ້ແທນເຈົ້າໜ້າທີ່ອາວຸໂສຂະແໜງການສຶກສາອາຊຽນ, ຮອງເລຂາທິການໃຫຍ່ອາຊຽນຢືນຢັນວ່າ: ການສຶກສາໄດ້ເສີມຂະຫຍາຍບົດບາດສຳຄັນໃນການພັດທະນາເສດຖະກິດສັງຄົມຂອງບັນດາປະເທດ ທັງເປັນຂະແໜງການສຳຄັນຂອງການກໍ່ສ້າງປະຊາຄົມວັດທະນະທຳສັງຄົມອາຊຽນ. ການເດີນທາງຢ້ຽມຢາມເທື່ອນີ້ກໍເພື່ອແລກປ່ຽນກັບຂະແໜງການກ່ຽວຂ້ອງຂອງຈີນຢ່າງກວ້າງຂວາງ, ຄົ້ນຄວ້າຫາລືການເຊັນແຜນດຳເນີນງານຮ່ວມມືດ້ານສຶກສາທິການຈີນ-ອາຊຽນ ແລະລົງເລິກການຮ່ວມມືດ້ານວັດທະນະທຳສັງຄົມອາຊຽນ-ຈີນຕື່ມອີກ.
ເຈົ້າໜ້າທີ່ອາວຸໂສຂະແໜງການສຶກສາອາຊຽນຍັງກ່າວວ່າ: ຫວັງຈະໄດ້ເພີ່ມທະວີການແລກປ່ຽນແລະຮ່ວມມື ໃນດ້ານອາຊີວະສຶກສາ,ການຝຶກອົບຮົມຄູອາຈານ,ການແລກປ່ຽນຊາວໜຸ່ມແລະອື່ນໆກັບສປຈີນເລິກເຊິ່ງໜັກແໜ້ນເລື້ອຍໆ.
