ເມື່ອເວົ້າເຖິງງານວິວາ, ຫຼາຍຄົນມັກຂີ່ລົດຍີ່ຫໍ້ດັງໃນໂອກາດແຕ່ງດອງ, ແຕ່ທ້າວ Evgeniya ເຈົ້າບາວແລະ ນາງ Artem ເຈົ້າສາວຄູ່ນີ້ພັດເຮັດໃຫ້ຄົນປະຫຼາດໃຈ, ເພາະວ່າເຂົາເຈົ້າໄດ້ຂີ່ລົດຫຸ້ມເກາະຄັນໜຶ່ງຂະນະໄປຈົດທະບຽນສ້າງຄອບຄົວ. ພວກເຂົາໄດ້ຈອດລົດຢູ່ນອກສຳນັກຈົດທະບຽນ, ແຕ່ກໍຖືກຕຳຫຼວດປັບໃໝເປັນເງິນ 1.500 ຣູເປຍ ຫຼືປະມານ 25 ໂດລາສະຫະລັດ. ທ້າວ Alena Sverlikova ຜູ້ຈັດພິທີວິວາເວົ້າວ່າ: ເຫດການດັ່ງກ່າວຈະບໍ່ທຳລາຍບັນຍາກາດຂອງເຂົາເຈົ້າ ແລະຫຼັງຈາກຈົດທະບຽນບໍ່ເຖິງ 1 ນາທີກໍຖືກຕຳຫຼວດຈະລາຈອນປັບໃໝແລະຖືວ່ານີ້ເປັນໂຊກດີທີ່ເຫັນໜ້ອຍ ມັນຈະເປັນຄວາມຊົງຈຳທີ່ບໍ່ສາມາດຫຼົງລືມຕໍ່ເຂົາເຈົ້າ. ຈາກເຫດການນີ້, ສະຖານີໂທລະພາບທ້ອງຖິ່ນກໍໄດ້ລາຍງານຂ່າວເລື່ອງນີ້.