ທະນາຄານຈີນ ຫຼື BOC ສາຂາຊຽມລຽບແລະທ່າສີຫານຸກໄດ້ເປີດນຳໃຊ້ຢ່າງເປັນທາງການແລ້ວໃນວັນທີ 22 ມິຖຸນານີ້.
ທ່ານເສິນສາງຈ່ຽງ ຜູ້ອຳນວຍການໃຫຍ່ທະນາຄານຈີນສາຂາພະນົມເປັນກ່າວໃນພິທີດັ່ງກ່າວວ່າ, ການເປີດສາຂາຢູ່ຊຽມລຽບແລະທ່າສີຫານຸກ ໃນມື້ນີ້ ສ່ອງແສງໃຫ້ເຫັນເຖິງຄວາມໝັ້ນໃຈຕໍ່ເສດຖະກິດກຳປູເຈຍໃນອະນາຄົດ. ຈາກນີ້ ທະນາຄານຈີນຈະຕັ້ງໜ້າບຸກບືນລະດົມທຶນສຳລັບການສ້າງ "ໜຶ່ງແລວທາງໜຶ່ງເສັ້ນທາງ" ຢູ່ກຳປູເຈຍ, ເປັນທູດໃນການເພີ່ມທະວີຄວາມເຂົ້າໃຈກັນລະຫວ່າງປະຊາຊົນສອງຊາດ, ສ້າງຄວາມສະດວກສະບາຍໃຫ້ແກ່ການຄ້າສອງຝ່າຍ ແລະຈະສະໜັບສະໜູນທຶນເພື່ອການພັດທະນາເສດຖະກິດ ພ້ອມທັງເພີ່ມການລົງທຶນຕໍ່ໂຄງການໃຫຍ່ຂອງປະເທດດັ່ງກ່າວ.
ຫົວໜ້າອົງການຕິດຕາມຄຸ້ມຄອງທະນາຄານກາງກຳປູເຈຍໄດ້ສະແດງຄວາມຂອບໃຈທະນາຄານຈີນທີ່ໄດ້ປະກອບສ່ວນຕໍ່ການພັດທະນາຂະແໜງການທະນາຄານແລະວິສາຫະກິດຂອງປະເທດຕົນເປັນຢ່າງດີ.