ສະພາມົນຕີສິດທິມະນຸດອົງການສະຫະປະຊາຊາດໄດ້ຜ່ານມະຕິ "ການສົ່ງເສີມການມີສ່ວນຮ່ວມຕໍ່ສິດທິມະນຸດ" ເຊິ່ງຖືວ່າເປັນຄັ້ງທຳອິດໃນປະຫວັດສາດຂອງສະພາສິດທິມະນຸດ.
ມະຕິດັ່ງກ່າວໄດ້ຮຽກຮ້ອງໃຫ້ບັນດາປະເທດເພີ່ມທະວີການຮ່ວມມືສາກົນ ເພື່ອບັນລຸການພັດທະນາທີ່ຖືເອົາປະຊາຊົນເປັນໃຈກາງ, ທັງອອກແຮງຊຸກຍູ້ການພັດທະນາແບບຍືນຍົງ, ໂດຍສະເພາະແມ່ນຜັນຂະຫຍາຍວາລະການພັດທະນາແບບຍືນຍົງປີ 2030 ແລະຊຸກຍູ້ໃຫ້ເກີດມີສິດທິມະນຸດຢ່າງຮອບດ້ານ. ຂະນະດຽວກັນກໍໃຫ້ບັນດາປະເທດຊຸກຍູ້ຂໍ້ລິເລີ່ມການພັດທະນາຕື່ມອີກ, ຊຸກຍູ້ການພົວພັນຖານໝູ່ຄູ່ ເພື່ອບັນລຸການຮ່ວມມືຕ່າງຝ່າຍຕ່າງມີຜົນປະໂຫຍດແລະພັດທະນາຮ່ວມກັນ.
ທ່ານມາຈ່າວຊີ້ ຜູ້ຕາງໜ້າຖາວອນຈີນປະຈຳສຳນັກງານອົງການສະຫະປະຊາຊາດປະຈຳເຊີແນວແລະອົງການຈັດຕັ້ງສາກົນອື່ນໆປະຈຳສວິສ໌ໃຫ້ສຳພາດຕໍ່ນັກຂ່າວພາຍຫຼັງຜ່ານມະຕິດັ່ງກ່າວວ່າ, ມະຕິໄດ້ນຳເອົາຄະຕິ "ການພັດທະນາໄດ້ຊຸກຍູ້ສົ່ງເສີມສິດທິມະນຸດ" ເຂົ້າໃນລະບົບສິດທິມະນຸດສາກົນເປັນຄັ້ງທຳອິດ ນັ້ນເປັນການສ່ອງແສງໃຫ້ເຫັນເຖິງຄວາມຮຽກຮ້ອງຕ້ອງການແລະຄວາມໃນໃຈຂອງປະເທດພວມພັດທະນາ ແລະໄດ້ຮັບການສະໜັບສະໜູນຈາກປະເທດຕ່າງໆ ໂດຍສະເພາະບັນດາປະເທດພວມພັດທະນາ.