ຕາມຂ່າວCRI: ວັນທີ 23ມິຖຸນານີ້,ກອງປະຊຸມລັດຖະມົນຕີກະຊວງສິ່ງແວດລ້ອມຂອງປະເທດບຣິກຄັ້ງທີ3ໄດ້ຈັດຂຶ້ນຢູ່ນະຄອນທຽນ
ສິນ. ນີ້ແມ່ນກອງປະຊຸມລັດຖະມົນຕີວ່າການກະຊວງສິ່ງແວດລ້ອມຂອງປະເທດບຣິກຈັດຂຶ້ນຢູ່ຈີນເປັນຄັ້ງທຳອິດ.
ທ່ານຫຼີການເຈ,ເລຂາທິການໜ່ວຍພັກຂອງກະຊວງອະນຸລັກ ສິ່ງແວດລ້ອມຈີນໄດ້ເຂົ້າຮ່ວມແລະເປັນປະທານຂອງກອງປະຊຸມ, ທ່ານຊີ້ອອກວ່າ,ລັດຖະບານຈີນຍຶດໝັ້ນຖືການປັບປຸງສິ່ງແວດລ້ອມໃຫ້ດີກວ່າເກົ່າເປັນໃຈກາງ,ປະຕິບັດລະບອບອະນຸລັກສິ່ງແວດລ້ອມຢ່າງເຂັ້ມງວດທີ່ສຸດ,ດຳເນີນແຜນການປະຕິບັດ 3ແຜນການດ້ານການປ້ອງກັນແລະປົວແປງອາກາດ,ນ້ຳແລະທີ່ດິນ,ສ້າງລະບົບກົດໝາຍທີ່ເຄັ່ງຄັດກວ່າເກົ່າ,ການພັດທະນາສີຂຽນເລີ່ມມີປະ
ສິດທິຜົນໃນເບື້ອງຕົ້ນ,ສິ່ງແວດລ້ອມຊີວະພາບໄດ້ຮັບການປັບປຸງໃຫ້ດີຂຶ້ນກວ່າເກົ່າ.
ທ່ານຫຼີການເຈກ່າວວ່າ, ປັດຈຸບັນນີ້, ທົ່ວໂລກກຳລັງປະເຊີນໜ້າກັບບັນຫາສິ່ງແວດລ້ອມທີ່ມີລັກສະນະທົ່ວໂລກຕ່າງໆ, ເຊັ່ນ:ການປ່ຽນແປງ
ດ້ານດິນຟ້າອາກາດ,ຊີວະພາບມີການຖອຍຫຼັງ,ຊັບພະຍາກອນມີວິກິດການ,ໄພທຳມະຊາດຢ່າງຮ້າຍແຮງແລະອື່ນໆ. ທ່ານກ່າວວ່າ, ການເພີ່ມທະວີການຮ່ວມມືດ້ານສິ່ງແວດລ້ອມລະຫວ່າງບັນດາປະເທດປຼິກຈະເຮັດໃຫ້ການພົບປະລະຫວ່າງຜູ້ນຳຂອງປະເທດປຼິກມີຜົນສຳເລັດຢ່າງອຸດົມສົມບູນກວ່າເກົ່າ,ສະໜອງການຄ້ຳຊູຢ່າງແຂງແຮງເພື່ອຮັບມືກັບການທ້າທາຍດານສິ່ງແວດລ້ອມຊີວະພາບຂອງພາກພື້ນແລະທົ່ວໂລກຢ່າງຮ່ວມກັນ,ຫວັງວ່າຈະເພີ່ມທະວີການແລກປ່ຽນສົນທະນາກັນຕື່ມອີກ,ຍົກສູງອິດທິກຳລັງດ້ານຄວາມເວົ້າແລະອິດທິພົນໃນຂົງເຂດການພັດ ທະນາແບບຍືນຍົງດ້ານສິ່ງແວດລ້ອມສາກົນຂອງບັນດາປະເທດປຼິກ,ປະກອບສ່ວນເຂົ້າໃນການປະຕິບັດເປົ້າໝາຍການພັດທະນາແບບຍືນຍົງປີ 2030 ຂອງອົງການສະຫະປະຊາຊາດ.