ເວລາ 23 ໂມງຂອງວັນທີ 24 ມິຖຸນານີ້, , ທ່ານສູຈື່ເວີນ ຮອງເຈົ້າຄອງກິ່ງແຂວງ ກຳມະການປະຈຳຄະນະພັກກິ່ງແຂວງເຜົ່າຕິເບດເຜົ່າຊຽງອາປ້າເມືອງມ້າວຊຽນໄດ້ຖະແຫຼງຂ່າວຕໍ່ສື່ມວນຊົນ ຢູ່ສູນບັນຊາການກູ້ໄພເຂດປະສົບໄພດິນພູເຈື່ອນເມືອງມ້າວຊຽນ ແຂວງເສສວນ ສປ ຈີນວ່າ, ເນື່ອງຈາກສະຖານທີ່ເກີດເຫດດິນພູເຈື່ອນເປັນສະຖານທີ່ທ່ອງທ່ຽວແລະຕາມໄດ້ຊາບ, ກ່ອນເກີດໄພທຳມະຊາດດັ່ງກ່າວ, ມີນັກທ່ອງທ່ຽວ 142 ຄົນກຳລັງທ່ຽວຢູ່ເຂດດັ່ງກ່າວ ແລະໃນເບື້ອງຕົ້ນ, ນັກທ່ອງທ່ຽວຈຳນວນນີ້ກໍໄດ້ອົບພະຍົບອອກຈາກສະຖານທີ່ທ່ອງທ່ຽວແລ້ວ.
ນອກນີ້, ອົງການປົກຄອງເມືອງດັ່ງກ່າວສາມາດເກັບກຳຂໍ້ມູນພື້ນຖານຂອງຜູ້ຫາຍສາບສູນ ຈາກໄພພິບັດແລ້ວ 118 ຄົນ ແລະຈະເປີດເຜີຍຂໍ້ມູນດັ່ງກ່າວຢູ່ເວັບໄຊອົງການປົກຄອງກິ່ງແຂວງເຜົ່າຕິເບດເຜົ່າຊຽງອາປ້າໄວເທົ່າທີ່ຈະໄວໄດ້.