ວັນທີ 24 ມິຖຸນານີ້, ຢູ່ນະຄອນຫຼວງກາປູນປະເທດອາຟການິສະຖານ, ທ່ານອາສຣາຟ ການີ ປະທານາທິບໍດີໄດ້ຕ້ອນຮັບເຂົ້າຢ້ຽມຢາມຂອງທ່ານວາງຢີ້ ລັດຖະມົນຕີການຕ່າງປະເທດຈີນໃນໂອກາດເດີນທາງຢ້ຽມຢາມປະເທດດັ່ງກ່າວ.
ທ່ານການີກ່າວວ່າ, ປະຊາຊົນອາຟການິສະຖານຖືຈີນເປັນປະເທດໃກ້ຄຽງທີ່ດີທັງແມ່ນເພື່ອນມິດທີ່ດີທີ່ຮັກສາສັນຕິພາບ, ຄວາມໝັ້ນຄົງແລະຄວາມຈະເລີນຮຸ່ງເຮືອງ. ເນື່ອງຈາກປະເທດຕົນແມ່ນປະເທດອັນສຳຄັນທີ່ເຊື່ອມຕໍ່ ໜຶ່ງແລວທາງໜຶ່ງເສັ້ນທາງແລະແລວທາງເສດຖະກິດຈີນປາກິສຖານ, ຈຶ່ງຍິນດີເພີ່ມທະວີການຮ່ວມມືລະຫວ່າງສອງຝ່າຍໃນດ້ານເສດຖະກິດການຄ້າ, ການລົງທຶນ, ພະລັງງານໄຟຟ້າ, ຄົມມະນາຄົມເປັນຕົ້ນ. ຂະນະດຽວກັນກໍຈະສືບຕໍ່ປາບປາມອິດທິກຳລັງກໍ່ການຮ້າຍຂະບວນການອີສຣາມຕວກກີຕາເວັນອອກ, ຮັກສາຄວາມໝັ້ນຄົງຮ່ວມຂອງສອງຝ່າຍ. ພ້ອມນີ້ລັດຖະບານອາຟການິສຖານຈະອອກແຮງສ້າງຄວາມປອງດອງພາຍໃນປະເທດດ້ວຍການເຈລະຈາໂດຍສັນຕິ. ການຢູ່ຮ່ວມກັນໂດຍສັນຕິກັບປະເທດໃກ້ຄຽງແມ່ນເປົ້າໝາຍການຕ່າງປະເທດທີ່ສຳຄັນເຊິ່ງກໍພ້ອມປົວແປງການພົວພັນກັບປາກິສຖານ, ໂດຍກ່ອນອື່ນໝົດ, ສອງຝ່າຍຕ້ອງສ້າງຄວາມໄວ້ເນື້ອເຊື່ອໃຈເຊິ່ງກັນແລະກັນ.
ທ່ານວາງອີ້ກ່າວວ່າ, ຈີນສະໜັບສະໜູນການສ້າງຄວາມປອງດອງແລະຂະບວນການສ້າງເສດຖະກິດຄືນໃໝ່ຂອງປະເທດອາຟການິສະຖານ, ສະໜັບສະໜູນອາຟການິສະຖານເສີມຂະຫຍາຍບົດບາດຊຸກຍູ້ການຮ່ວມມືດ້ານເສດຖະກິດພາກພື້ນແລະການເຊື່ອນຈອດກັນ. ທັງພ້ອມເປີດກວ້າງການຮ່ວມມືທີ່ແທດເໝາະກັບຕົວຈິງພາຍໃຕ້ຂອບ ໜຶ່ງແລວທາງໜຶ່ງເສັ້ນທາງ.
