ວັນທີ 25 ມິຖຸນານີ້, ກອງທັບລັດຖະບານຟີລິບປິນໄດ້ອອກມາປະກາດຢຸດການເຄື່ອນໄຫວກວາດລ້າງກຸ່ມປະກອບອາວຸດຕໍ່ຕ້ານລັດຖະບານຢູ່ເມືອງມາລາວີເປັນເວລາ 8 ຊົ່ວໂມງ ເພື່ອຕ້ອນຮັບມື້ສຸດທ້າຍຂອງບຸນຖືສິນອົດ.
ຕາມແຜນການ,ການຢຸດຍິງຈະເລີ່ມແຕ່ເວລາ 6 ໂມງເຊົ້າຫາ 14 ໂມງແລງ ໂດຍທ່ານ ກາວິສ໌ ຜູ້ບັນຊາການຖານທັບເກາະມິນດານາວຕາເວັນຕົກຂອງກອງທັບຟີລິບປິນກ່າວວ່າ: ການທີ່ກອງທັບລັດຖະບານຢຸດຍິງພຽງຝ່າຍດຽວຄັ້ງນີ້ເພື່ອມະນຸດສະທຳອີກຄັ້ງໜຶ່ງທັງເພື່ອສະແດງໃຫ້ເຫັນເຖິງ "ຄວາມເຄົາລົບຂອງພວກເຮົາຕໍ່ບຸນຂອງຊາວມຸສລິມ".
ທ່ານ ກາວິສ໌ ກ່າວໂດຍອ້າງຕາມການລາຍງານວ່າ: ປັດຈຸບັນ,ຢູ່ເມືອງມາລາວີຍັງມີຜູ້ປະກອບອາວຸດຕໍ່ຕ້ານລັດຖະບານປະມານ 150 ຄົນ. ຂະນະທີ່ຍັງມີປະຊາຊົນປະມານ 100 ຄົນລວມທັງຜູ້ເຖົ້າແລະເດັກນ້ອຍຖືກຜູ້ປະກອບອາວຸດຈັບເປັນຕົວປະກັນ.