ຂະແໜງຄົມມະນາຄົມນະຄອນຈຸ່ງກິ່ງ ສປ ຈີນໃຫ້ຮູ້ວ່າ: ເດືອນນ້າ ນະຄອນຂອງຕົນຈະປ່ອຍລົດຂົນສົ່ງສິນຄ້າເສັ້ນທາງສາຍກາງຂອງເສັ້ນທາງຈໍລະຈອນສິນຄ້າສາກົນອາຊຽນ, ຂະນະທີ່ທ້າຍປີນີ້ແລະຕົ້ນປີໜ້າ, ຈະປ່ອຍລົດຂົນສົ່ງສິນຄ້າເສັ້ນທາງສາຍຕາເວັນຕົກຂອງເສັ້ນທາງດັ່ງກ່າວຕື່ມອີກ ເພື່ອຂະຫຍາຍໄປສູ່ນະຄອນຫຼວງບາງກອກປະເທດໄທແລະນະຄອນຢາງກຸ້ງສະຫະພາບມຽນມາ.
ຂ່າວແຈ້ງວ່າ: ເສັ້ນທາງການແລ່ນລົດຂົນສົ່ງສິນຄ້າສາຍກາງຂອງເສັ້ນທາງຈໍລະຈອນສິນຄ້າສາກົນອາຊຽນທີ່ມີຄວາມຍາວ 2.800 ກິໂລແມັດແລະໃຊ້ເວລາເດີນທາງໄປ-ກັບ 6 ຊົ່ວໂມງຈາກນານເພີງນະຄອນຈຸ່ງກິ່ງ-ບໍ່ຫານແຂວງຢຸນນານ ສປ ຈີນ-ວຽງຈັນ ສປປ ລາວ-ບາງກອກປະເທດໄທ ເຊິ່ງເມື່ອທຽບໃສ່ການຂົນສົ່ງໄປ-ກັບທາງທະເລທີ່ຕ້ອງໄດ້ໃຊ້ເວລາ 30 ວັນນັ້ນ ຖືວ່າສາມາດປະຢັດເວລາໄດ້ດີທີ່ສຸດ. ສ່ວນເສັ້ນທາງສາຍຕາເວັນຕົກຈະເລີ່ມຈາກນານເພີງນະຄອນຈຸ່ງກິ່ງ-ຣຸ້ຍລີ້ແຂວງຢຸນນານ ສປ ຈີນ-ນະຄອນຢາງກຸ້ງສະຫະພາບມຽນມາ.