ຕາມຂ່າວ CRI: ກຳປູເຈຍອອກມາປະກາດຜົນການເລືອກຕັ້ງສະພາທ້ອງຖິ່ນຄັ້ງທີ 4 ຢ່າງເປັນທາງການແລ້ວໃນວັນທີ 25 ມິຖຸນານີ້, ໂດຍພັກປະຊາຊົນເຊິ່ງເປັນພັກກຳອຳນາດທີ່ນຳໂດຍທ່ານຮຸນແຊນໄດ້ຮັບໄຊຊະນະ.
ຄະນະກຳມະການເລືອກຕັ້ງແຫ່ງຊາດກຳປູເຈຍປະກາດວ່າ, ໃນຈຳນວນບ່ອນນັ່ງ 11572 ບ່ອນນັ່ງນັ້ນ, ພັກປະຊາຊົນໄດ້ 6503 ບ່ອນນັ່ງ, ພັກກູ້ຊາດໄດ້ 5007 ບ່ອນນັ່ງ, ພັກຟູນຊິນເປັກໄດ້ 28 ບ່ອນນັ່ງ, ແລະພັກສາມັກຄີຊົນຊາດກຳປູເຈຍໄດ້ 24 ບ່ອນນັ່ງ.
ການເລືອກຕັ້ງສະພາທ້ອງຖິ່ນຄັ້ງທີ 4 ຢູ່ກຳປູເຈຍໄດ້ຈັດຂຶ້ນໃນວັນທີ 4 ມິຖຸນານີ້, ໂດຍມີ12 ພັກການເມືອງເຂົ້າຮ່ວມເລືອກຕັ້ງ. ຂະນະທີ່ໃນທົ່ວປະເທດມີຜູ້ມີສິດເລືອກຕັ້ງ 7 ລ້ານ 8 ແສນ 6 ໝື່ນກວ່າຄົນ, ໃນນັ້ນ, ຢູ່ນະຄອນພະນົມຫຼວງເປັນມີ 8 ແສນ 4 ໝື່ນກວ່າຄົນ.
 |
