ເຈົ້າໜ້າທີ່ລັດຖະບານເອຢິບຖະແຫຼງໃນວັນທີ 24 ມິຖຸນານີ້ວ່າ, ໃນວັນດັ່ງກ່າວ, ທ່ານອັບເດວ ຟາຕັດ ອານ-ຊີຊີ ປະທາງາທິບໍດີເອຢິບໄດ້ລົງນາມໃນຂໍ້ຜູກພັນມອບສິດອະທິປະໄຕຂອງເກາະຕີຣານແລະເກາະຊານາເຟີໃຫ້ອາຣັບບີຊາອຸດິດ ແລ້ວຫຼັງມີການຕົກລົງຂອງລັດຖະບານສອງປະເທດ.
ສະພາແຫ່ງຊາດປະເທດດັ່ງກ່າວໄດ້ລົງຄະແນນສຽງດ້ວຍສຽງສ່ວນຫຼາຍຮັບຮອງເລື່ອງນີ້ ໃນວັນທີ 14 ມິຖຸນານີ້.
ເກາະຕີຣານແລະເກາະຊານາເຟີຕັ້ງຢູ່ລະຫວ່າງກາງອ່າວອາກາບາແລະທະເລແດງ ແລະມີທີ່ຕັ້ງທາງພູມສາດທີ່ສຳຄັນທີ່ສຸດ. ຂະນະທີ່ເມື່ອປີ 1923 ອາຣັບບີຊາອຸດິດໄດ້ປະກາດສອງເກາະດັ່ງກ່າວເປັນດິນແດນຂອງຕົນພາຍໃຕ້ການຊີ້ນຳຂອງອັງກິດ ແຕ່ສອງເກາະດັ່ງກ່າວພັດຢູ່ພາຍໃຕ້ການຄຸ້ມຄອງຂອງເອຢິບພາຍຫຼັງປີ 1950. ແນວໃດກໍດີ ປັດຈຸບັນ, ເຈົ້າໜ້າທີ່ທະຫານເອຢິບແລະກອງທະຫານພ້ອມດ້ວຍນັກສັງເກດການຫຼາຍປະເທດໄດ້ປະຈຳຢູ່ເກາະເຫຼົ່ານີ້.
ໃນໂອກາດສົມເດັດຊານມານ ເຈົ້າຊີວິດອາຣັບບີຊາອຸດິດເດີນທາງຢ້ຽມຢາມເອຢິບໃນເດືອນເມສາປີ 2016, ລັດຖະບານສອງປະເທດໄດ້ບັນລຸຂໍ້ຜູກພັນກ່ຽວກັບການມອບສິດອະທິປະໄຕສອງເກາະດັ່ງກ່າວຄືນໃຫ້ອາຣັບບີຊາອຸດິດ.