ເນື່ອງໃນໂອກາດວັນສາກົນຕ້ານຢາເສບຕິດ ໃນປີນີ້, ປະເທດໄທໄດ້ທຳລາຍຢາເສບຕິດປະມານ9321ກິໂລ.
ຕອນເຊົ້າວັນທີ26ມິຖຸນານີ້, ຈາກການປະສານງານຂອງທະຫານແລະຕຳຫຼວດ, ກະຊວງສາທາລະນະສຸກໄທໄດ້ທຳລາຍຢາເສບຕິດຢູ່ແຂວງອະຍຸທະຍາຫ່າງຈາກນະຄອນຫຼວງບາງກອກໄປທາງທິດເໜືອປະມານ80ກິໂລແມັດ, ໃນນີ້ມີ ຢາອັນເຟຕາມິນ7886ກິໂລ, ຢາໄອສ໌1185ກິໂລ, ເຮໂຣອິນ169ກິໂລແລະຢາເສບຕິດອື່ນໆອີກຈຳນວນໜຶ່ງ.
ເນື່ອງຈາກເຂດສາມຫຼ່ຽມທອງຄຳເປັນແຫຼ່ງຜະລິດຢາເສບຕິດ, ຢູ່ບາງທ້ອງຖິ່ນຂອງໄທໄດ້ເກີດຂະບວນການຄ້າຂາຍຢາເສບຕິດຢ່າງໜັກໜ່ວງ. ທ່ານວັນໄຊ ຊາດຕະຍາວຸທິພົງ, ຫົວໜ້າກົມອາຫານແລະຢາແຫ່ງຊາດໄທໃຫ້ຮູ້ວ່າ, ປີນີ້ປະເທດຕົນສາມາດຍຶດໄດ້ແລະທຳລາຍຢາເສບຕິດເທົ່າກັບ47ເທົ່າຂອງປີ1977,ໃນນັ້ນອັນເຟຕາມິນແລະຢາໄອສ໌ມີປະລິມານຫຼາຍທີ່ສຸດ, ຄືມີປະມານ68ໂຕນ, ຖັດມາແມ່ນຢາຝິ່ນ28ໂຕນແລະເຮໂຣອິນ25ໂຕນ.