ຂ່າວສານຊິນຮວາລາຍງານວ່າ: ງານວາງສະແດງຜົນສຳເລັດແຫ່ງການກັບຄືນສູ່ປະເທດຊາດຂອງຮົງກົງຄົບຮອບ 20 ປີ---ຮ່ວມຈິດຮ່ວມໃຈບຸກເບີກເສັ້ນທາງພັດທະນາ,ກຳໂອກາດໃໝ່ໄດ້ໄຂຂຶ້ນຢູ່ຫໍພິພິທະພັນແຫ່ງຊາດຈີນໃນວັນທີ 26 ມິຖຸນານີ້ໂດຍທ່ານຈ່າງເຕີຈ່ຽງ ກຳມະການປະຈຳກົມການເມືອງສູນກາງພັກກອມມູນິດຈີນ, ປະທານສະພາປະຊາຊົນແຫ່ງຊາດຈີນເຂົ້າຮ່ວມ,ຂະນະທີ່ທ່ານຢາງເຈສື ທີ່ປຶກສາແຫ່ງລັດຈີນແລະທ່ານລຽງເຈີ້ນຢິ່ງ ຜູ້ວ່າການເຂດບໍລິການພິເສດຮົງກົງໄດ້ກ່າວປາໄສໃນພິທີດັ່ງກ່າວ.
ງານວາງສະແດງດັ່ງກ່າວຈັດຂຶ້ນໂດຍການເປັນເຈົ້າພາບຂອງອົງການປົກຄອງເຂດບໍລິຫານພິເສດຮົງກົງ ເຊິ່ງປະກອບມີ 10 ພາກເຊັ່ນ "ປະເທດດຽວ ສອງລະບອບ", "ສະພາບລວມຂອງຮົງກົງໃນປັດຈຸບັນ", "ພ້ອມກັນກຳແໜ້ນໂອກາດ"ແລະອື່ນໆ ດ້ວຍການສະແດງຮູບພາບ,ຕົວໜັງສືຄຳບັນຍາຍ, ວັດຖຸພັນພ້ອມດ້ວຍເຕັກນິກສຽງແລະພາບຈາກສື່ຕ່າງໆແລະອື່ນໆເພື່ອສະແດງໃຫ້ເຫັນຜົນສຳເລັດອັນໃຫຍ່ຫຼວງຂອງຮົງກົງນັບແຕ່ກັບຄືນສູ່ປະເທດຊາດຕະຫຼອດໄລຍະ 20 ປີຜ່ານມາ ທັງເນັ້ນວ່າ ຮົງກົງແລະປະເທດຊາດຮ່ວມຈິດຮ່ວມໃຈແລະຮ່ວມກັນປະກອບສ່ວນເພື່ອຄວາມຈະເລີນຮຸ່ງເຮືອງແລະສະຖຽນລະພາບຂອງຮົງກົງກໍຄືການເປີດປະຕູສູ່ພາຍນອກແລະການສ້າງປະເທດຫັນເປັນທັນສະໄໝ, ພ້ອມກັນສ້າງອະນາຄົດທີ່ດີງາມກວ່າເກົ່າເພື່ອບັນລຸການຟື້ນຟູຄວາມຈະເລີນຮຸ່ງເຮືອງຄືນໃໝ່ຂອງປະຊາຊາດຈີນທີ່ຍິ່ງໃຫຍ່.
 |
