ລົດໄຟໄຕ້ດິນສາຍ1ແລະສາຍ 3 ເມືອງສືເຈ່ຍຈ່ວງແຂວງເຮີເປີຍ ເຊິ່ງເປັນລົດໄຟໃຕ້ດິນສາຍທຳອິດຂອງແຂວງດັ່ງກ່າວໄດ້ທົດລອງເປີດບໍລິການຢ່າງເປັນທາງການໃນວັນທີ 26 ມິຖຸນານີ້ ເຊິ່ງເປັນຂີດໝາຍສະແດງໃຫ້ເຫັນວ່າ ແຂວງເຮີເປີຍໄດ້ກ້າວເຂົ້າສູ່ "ຍຸກລົດໄຟໃຕ້ດິນ"ຢ່າງເປັນທາງການ.
ໂຄງການລົດໄຟໃຕ້ດິນສືເຈ່ຍຈ່ວງສາຍ 1ແລະສາຍ 3 ມີຄວາມຍາວທັງໝົດ 30,3 ກິໂລແມັດ. ໃນຖານະເປັນລົດໄຟໃຕ້ດິນທີ່ເປີດບໍລິການສາຍທຳອິດຂອງແຂວງດັ່ງກ່າວ, ໄດ້ນຳໃຊ້ຂະບວນລົດໄຟ 6 ຕູ້ຮຸ່ນ A ທີ່ສາມາດບັນທຸກຜູ້ໂດຍສານໄດ້ຫຼາຍທີ່ສຸດເຖິງ 2520 ຄົນ ເຊິ່ງຖືວ່າເປັນກໍລະນີທຳອິດໃນບັນດາຕົວເມືອງປະເພດດຽວກັນຂອງຈີນ. ນອກນີ້, ຢູ່ສູນສ້ອມແປງ ລວມຊີ່ຈ່າວຖົ່ງເມືອງສືເຈ່ຍຈ່ວງຍັງສ້າງໂຄງການຜະລິດໄຟຟ້າແສງຕາເວັນສະເພາະຂະບວນລົດໄຟໃຕ້ດິນໂຄງການທຳອິດຂອງຈີນໂດຍສາມາດສະໜອງໄຟຟ້າໃຫ້ສູນລົດໄຟໃຕ້ດິນດັ່ງກ່າວໄດ້ 30%.
