ຕາມຂ່າວ CRI: ຕອນບ່າຍວັນທີ 26 ມິຖຸນານີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ພົບປະກັບທ່ານຄຼາວສ໌ ສະວັບ, ປະທານເວທີປຶກສາຫາລືເສດຖະກິດໂລກແລະແຂກອື່ນໆທີ່ມາເຂົ້າຮ່ວມກອງປະຊຸມເວທີປຶກສາຫາລ່ດາວົສ໌ 2017 ຢູ່ຫໍຮັບແຂກເມືອງທີ່ຕ້າຫຼຽນ.
ທ່ານຫຼີເຄີ້ສຽງໄດ້ຕີລາຄາສູງການຮ່ວມມືລະຫວ່າງຈີນກັບເວທີປຶກສາຫາລືເສດຖະກິດໂລກ, ໂດຍກ່າວວ່າກອງປະຊຸມເວທີປຶກສາຫາລືປີນີ້ເນັ້ນຫົວຂໍ້ "ບັນລຸການເຕີບໂຕແບບກວມລວມໃນການປະຕິວັດອຸດສາຫະກຳຄັ້ງທີ 4", ນັ້ນມີຄວາມໝາຍສຳຄັນທີ່ສຸດ. ເຊິ່ງຈີນຈະສືບຕໍ່ຊຸກຍູ້ການເປີດປະຕູສູ່ພາຍນອກຮອບໃໝ່ໃຫ້ສູງຂຶ້ນ, ທັງຈະສ້າງສະພາບແວດລ້ອມການທຸລະກິດທີ່ຍຸຕິທຳແລະສະເໝີພາບໃຫ້ແກ່ວິສາຫະກິດຈີນແລະຕ່າງປະເທດ, ເພື່ອບັນລຸເປົ້າໝາຍຕ່າງຝ່າຍຕ່າງມີຜົນປະໂຫຍດແລະພັດທະນາຮ່ວມກັນ.
ທ່ານຄຼາວສ໌ ສະວັບ ໄດ້ກ່າວຊົມເຊີຍນະໂຍບາຍຕ່າງໆຂອງລັດຖະບານຈີນໃນລະດັບສູງ, ແລະກ່າວວ່າເວທີປຶກສາຫາລືເສດຖະກິດໂລກຍິນດີເພີ່ມທະວີການຮ່ວມມືກັບຈີນ, ຮ່ວມກັນສົ່ງສັນຍານທີ່ຕັ້ງໜ້າໃນການຮ່ວມມືພັດທະນາຢ່າງໝັ້ນທ່ຽງ, ສ້າງຜົນປະໂຫຍດໃຫ້ແກ່ການຊຸກຍູ້ເສດຖະກິດໂລກຟື້ນຕົວຂຶ້ນຢ່າງສົມດຸນແລະຍືນຍົງ.
