ຂ້ອນແຈ້ງວັນທີ 26 ມິຖຸນາ, ເຮືອສຳລານ "Majestic Princess" ໄດ້ເຂົ້າທຽບທ່າກຳປັ່ນເຊ້ຍເໝິນ ທີ່ເປັນທ່າກຳປັ່ນສຳຄັນໃນເສັ້ນທາງສາຍໄໝທາງທະເລໃນສະໄໝບູຮານ ແລ້ວຫຼັງເດີນທາງຈາກນະຄອນຫຼວງໂຣມປະເທດອີຕາລີໃນວັນທີ 21 ພຶດສະພາ ແລະໃຊ້ເວລາ 37 ວັນ ຕາມເສັ້ນທາງສາຍໄໝທາງທະເລ ເຂົ້າມາຈອດຢູ່ຕາມທ່າກຳປັ່ນຈີນເປັນຄັ້ງທຳອິດ. ຂະນະນີ້, ການ "ເລົ່ານິທານຈີນຕາມເສັ້ນທາງສາຍໄໝທາງທະເລ" ທີ່ສະມາຄົມມິດຕະພາບຕໍ່ຕ່າງປະເທດຈີນຈັດຕັ້ງ ໄດ້ສິ້ນສຸດລົງຢ່າງຈົບງາມ.
ເຮືອສຳລານ "Majestic Princess" ໄດ້ເດີນທາງອອກຈາກນະຄອນຫຼວງໂຣມປະເທດອີຕາລີ ຜ່ານ 12 ປະເທດຕາມເສັ້ນທາງສາຍໄໝທາງທະເລ ຄື ເກຼັກ, ເອຢິບ, ຊອກດານີ, ເອມີເຣດອາຣັບ, ອິນເດຍ, ສີລັງກາ, ມາເລເຊຍ, ສິງກະໂປ, ໄທ, ຫວຽດນາມ ແລະຈີນ ໂດຍນັກທ່ອງທ່ຽວສາກົນຫຼາຍພັນຄົນໃນກຳປັ່ນໄດ້ສຳຜັດກັບຄວາມອຸດົມສົມບູນຂອງວັດທະນະທຳຈີນໃນການເດີນທາງນຳກຳປັ່ນດັ່ງກ່າວ.