ພິທີຖະແຫຼງຂ່າວກອງປະຊຸມການແພດແລະການຢາຈີນໂລກຄັ້ງທີ 14 ໄດ້ຈັດຂຶ້ນຢູ່ນະຄອນຫຼວງບາງກອກປະເທດໄທໃນວັນທີ 27 ມິຖຸນານີ້.
ໂອກາດດັ່ງກ່າວ,ທ່ານລິນຕ່ານສຽນ ປະທານບໍລິຫານງານສະມາຄົມແພດຈີນໄທກ່າວວ່າ: ກອງປະຊຸມການແພດແລະການຢາຈີນໂລກຄັ້ງທີ 14ຈະຈັດຂຶ້ນຢູ່ນະຄອນຫຼວງບາງກອກແຕ່ວັນທີ 21-22 ຕຸລາປີນີ້ໂດຍສະຫະພັນສະມາຄົມການແພດແລະການຢາໂລກເປັນເຈົ້າພາບແລະສະມາຄົມແພດຈີນໄທເປັນຜູ້ຈັດກອງປະຊຸມ.
ທ່ານນາງລານຊູຫົງ ທີ່ປຶກສາວັດທະນະທຳສະຖານທູດຈີນປະຈຳໄທຢືນຢັນໃນພິທີຖະແຫຼງຂ່າວດັ່ງກ່າວວ່າ: ປີ 2000, ການແພດຈີນໄດ້ຖືກຮັບຮອງຢ່າງຖືກຕ້ອງຕາມກົດໝາຍໄທ ແລະເຊື່ອວ່າ ກອງປະຊຸມການແພດແລະການຢາໂລກປີນີ້ບໍ່ພຽງແຕ່ຈະເປັນເວທີສຳລັບຊ່ຽວຊານແລະວິຊາການການແພດແລະການຢາຂອງໂລກແລກປ່ຽນຜົນງານດ້ານວິຊາການແລະຖອດຖອນບົດຮຽນການປິ່ນປົວຕົວຈິງເທົ່ານັ້ນ, ຫາກຍັງຈະເປັນຜົນດີຕໍ່ການສົ່ງເສີມການເຜີຍແຜ່ການແພດແລະການຢາຈີນຢູ່ໄທແລະຍົກລະດັບການປິ່ນປົວໂດຍລວມຂອງໄທໃຫ້ສູງຂຶ້ນອີກດ້ວຍ.
ຂ່າວແຈ້ງວ່າ: ໃນໄລຍະດຳເນີນກອງປະຊຸມດັ່ງກ່າວຍັງຈະຈັດກິດຈະກຳສັບປະດາວັດທະນະທຳການແພດແລະການຢາຈີນ "ໜຶ່ງແລວທາງໜຶ່ງເສັ້ນທາງ"ອີກ.