ຕອນບ່າຍວັນທີ 26 ມິຖຸນານີ້,ກອງບັນຊາການກູ້ໄພແລະຊ່ວຍເຫຼືອຜູ້ເຄາະຮ້າຍຈາກເຫດພູເຕຍຊີ່ເຈື່ອນຄັ້ງຮ້າຍແຮງຢູ່ເມືອງມ້າວຊ້ຽນແຂວງເສສວນໃນວັນທີ 24 ມິຖຸນານີ້ໄດ້ໃຫ້ຮູ້ວ່າ: ໃນຈຳນວນ 118 ຄົນທີ່ຂາດການຕິດຕໍ່ກັບພາຍນອກຈາກເຫດການດັ່ງກ່າວສາມາດຢັ້ງຢືນໄດ້ອີກວ່າມີ 20 ຄົນປອດໄພແລ້ວ.
ພາຍຫຼັງເຈົ້າໜ້າທີ່ກິ່ງແຂວງແລະເມືອງສືບຕໍ່ກວດສຳມະໂນຄົວ,ເບີໂທລະສັບຂອງຜູ້ເຄາະຮ້າຍ ລວມທັງການຢັ້ງຢືນຈາກປະຊາຊົນ ແລະ ວົງການຕ່າງໆໃນສັງຄົມກໍຄືການໃຊ້ວິທີອື່ນໆເພື່ອຊອກຫາຜູ້ທີ່ຂາດການຕິດຕໍ່ກັບພາຍນອກ ແລະຜ່ານການກວດກາຫຼາຍຫຼົບຫຼາຍຕ່າວຈຶ່ງຢັ້ງຢືນໄດ້ວ່າມີອີກ 20 ຄົນປອດໄພແລ້ວ.
ມາຮອດປັດຈຸບັນ,ໃນຈຳນວນ 118 ຄົນທີ່ຂາດການຕິດຕໍ່ກັບພາຍນອກຈາກເຫດດັ່ງກ່າວ ສາມາດຢັ້ງຢືນໄດ້ວ່າມີ 35 ຄົນປອດໄພແລ້ວ. ຂະນະທີ່ເຈົ້າໜ້າທີ່ກ່ຽວຂ້ອງໄດ້ສືບຕໍ່ຄົ້ນຫາຜູ້ຂາດການຕິດຕໍ່ກັບພາຍນອກຢ່າງຕໍ່ເນື່ອງ.