ຫວ່າງມໍ່ໆມານີ້,ທາງສີ່ແຍກແຫ່ງໜຶ່ງຢູ່ເຂດຟ່າງຈວ່າງເມືອງເຟີ່ງໄທນະຄອນຫຼວງປັກກິ່ງໄດ້ມີທາງມ້າລາຍ 3D ທີ່ປະກອບມີ 3 ສີຄື: ສີຟ້າ,ສີເຫຼືອງແລະສີຂາວ, ແລະຫຼັງປະສົມສີແລ້ວເຮັດໃຫ້ທາງມ້າລາຍເປັນຮູບສີ່ຫຼ່ຽມຍາວ 3D.
ກ່ອນໜ້ານີ້, ຢູ່ຖະໜົນຂອງເມືອງຊາງຊ່າແຂວງຫູນານ,ເມືອງຊູ້ຊ່ຽນແຂວງຈ່ຽງຊູ່ແລະແຫ່ງອື່ນໆຂອງຈີນໄດ້ສ້າງທາງມ້າລາຍ 3D ເຊິ່ງຫຼາຍຄົນໃຫ້ທັດສະນະວ່າມັນສາມາດເຮັດໃຫ້ຜູ້ຂັບຂີ່ມີສະຕິລະວັງຕົວເປັນຢ່າງດີດ້ວຍການຫຼຸດຄວາມໄວການແລ່ນລ່ວງໜ້າໄດ້,ຂະນະດຽວກັນກໍເຮັດໃຫ້ຜູ້ສັນຈອນມີສະຕິຍ່າງຕາມທາງມ້າລາຍ.
