ສື່ມວນຊົນຣັດເຊຍລາຍງານໃນວັນທີ 27 ມິຖຸນານີ້ໂອຍອ້າງຕາມການເປີດເຜີຍຂອງ, ທ່ານໄອໂກ ໂມກຸລົຟ ຮອງລັດຖະມົນຕີການຕ່າງປະເທດວ່າ, ປະເທດຕົນໄດ້ວາງແຜນການແກ້ໄຂບັນຫາແຫຼມເກົາຫຼີແລ້ວ, ແລະຈະຮ່ວມກັບປະເທດຄູ່ຮ່ວມມືກັນຊຸກຍູ້ການປະຕິບັດແຜນການດັ່ງກ່າວ.
ທ່ານໂມກຸລົຟກ່າວວ່າ, ປະເທດຕົນໄດ້ວາງມາດຕະການຕ່າງໆເພື່ອແກ້ໄຂບັນຫາແຫຼມເກົາຫຼີ, ເຊິ່ງເປົ້າໝາຍສຸດທ້າຍກໍຄືສ້າງກົນໄກສັນຕິພາບຖາວອນຢູ່ອາຊີຕາເວັນອອກສຽງເໜືອ. ແນວໃດກໍດີກ່ອນອື່ນຝ່າຍຕ່າງໆຕ້ອງສະແດງຄວາມອົດກັ້ນແລະບໍ່ທ້າທາຍກັນ, ເຈລະຈາບົນຫຼັກການພື້ນຖານຂອງສາຍພົວພັນ, ເຊັ່ນບໍ່ລ່ວງລະເມີດແລະບໍ່ໃຊ້ກຳລັງອາວຸດເປັນຕົ້ນ. ຂະນະດຽວກັນ, ປະຊາຄົມໂລກຄວນໃຫ້ການຮັບປະກັນຄວາມປອດໄພໃຫ້ແກ່ ສປປ ເກົາຫຼີ, ເພື່ອບໍ່ໃຫ້ເຄື່ອນໄຫວກ່ຽວກັບອາວຸດນິວເຄລຍແລະຍິງລູກສອນໄຟ.
ທ່ານໂມກຸລົຟກ່າວຕື່ມວ່າ, ການທີ່ຈະແກ້ໄຂບັນຫາແຫຼມເກົາຫຼີນັ້ນຄວນເລີ່ມຈາກການເຈລະຈຈາລະຫວ່າງອາເມລິກາແລະສປປເກົາຫຼີເປັນສຳຄັນ.