ທ່ານສີຈິ້ນຜິງຈະຢ້ຽມຢາມຣັດເຊຍແລະເຢຍລະມັນທາງລັດຖະກິດແລະເຂົ້າຮ່ວມກອງປະຊຸມສຸດຍອດຄັ້ງທີ 12 ຂອງຜູ້ນຳກຸ່ມ 20 ປະເທດ
2017-06-28 16:03:23 cri
ທ່ານລູ້ຄ່າງ, ໂຄສົກກະຊວງການຕ່າງປະເທດຈີນເປີດເຜີຍໃນວັນທີ 27 ມິຖຸນານີ້ວ່າ, ໂດຍຕອບສະໜອງຕາມຄຳເຊີນຂອງທ່ານວຼາດິເມຍ ປູຕິນ ປະທານາທິບໍດີຣັດເຊຍ, ທ່ານແຟຣງ ວອນເຕີ ສະເຕັນເມເອີ ປະທານາທິບໍດີເຢຍລະມັນແລະທ່ານນາງອັນເຈີລາ ເມີເຄວ ນາຍົກລັດຖະມົນຕີເຢຍລະມັນ, ທ່ານສີຈິ້ນຜິງ ປະທານປະເທດຈີນຈະຢ້ຽມຢາມສອງປະເທດດັ່ງກ່າວທາງລັດຖະກິດແຕ່ວັນທີ 3 ຫາວັນທີ 6 ເດືອນກໍລະກົດ. ແລະໂດຍຕອບສະໜອງຕາມຄຳເຊີນຂອງທ່ານນາງເມີເຄວ ນາຍົກລັດຖະມົນຕີເຢຍລະມັນ, ທ່ານສີຈິ້ນຜີງຈະເຂົ້າຮ່ວມກອງປະຊຸມສຸດຍອດຄັ້ງທີ 12 ຂອງຜູ້ນຳກຸ່ມ 20 ປະເທດຫຼື G20 ຢູ່ເມືອງແຮມເບີເກີປະເທດເຢຍລະມັນໃນວັນທີ 7 ຫາວັນທີ 8 ເດືອນກໍລະກົດຕື່ມອີກ.
