ເຈົ້າໜ້າທີ່ດ່ານພາສີຈີນເປີດເຜີຍວ່າ, ຍອດມູນຄ່າການຄ້າຂາເຂົ້າ-ຂາອອກລະຫວ່າງຈີນແລະອາຟຣິກາແຕ່ເດືອນມັງກອນຫາເດືອນພຶດສະພາປີນີ້ມີເຖິງ 70 ຕື້ໂດລາ ເຊິ່ງເພີ່ມຂຶ້ນຫຼາຍກວ່າໄລຍະດຽວກັນຂອງປີຜ່ານມາ 22,2% ແລະສູງກວ່າຈັງຫວະເຕີບໂຕຂອງຍອດມູນຄ່າການຄ້າຕໍ່ຕ່າງປະເທດຂອງຈີນໃນໄລຍະດຽວກັນ 9,2% ໃນນີ້ຈີນບັນລຸມູນຄ່າການສົ່ງອອກ 38,29 ຕື້ໂດລາ ເພີ່ມຂຶ້ນ 7% ແລະມູນຄ່າການຄ້ານຳເຂົ້າ 31,85 ຕື້ໂດລາ ແລະເພີ່ມຂຶ້ນ 47,8%.
ຈັງຫວະເຕີບໂຕດ້ານການຄ້າລະຫວ່າງຈີນແລະອາຟຣິກາໃນ 5 ເດືອນຕົ້ນປີນີ້ໄດ້ເພີ່ມຂຶ້ນຫຼາຍສົມຄວນ ທັງລື່ນຈັງຫວະເຕີບໂຕກັບອາເມລິກາລາຕິນ, ແຕ່ກໍເປັນຮອງພຽງແຕ່ໃນທະວີບໂອຊີອານີເທົ່ານັ້ນ.