ສື່ມວນຊົນແລະອົງການສິດທິມະນຸດຊີຣີລາຍງານວ່າ, ສະຫະພັນສາກົນຕໍ່ຕ້ານISທີ່ນຳໂດຍອາເມລິກາໂຈມຕີທາງອາກາດຢູ່ພາກຕາເວັນອອກປະເທດຊີຣີໃນຫຼາຍມື້ມານັ້ນໄດ້ເຮັດໃຫ້ປະຊາຊົນເສຍຊີວິດປະມານ 100 ຄົນ. ສະເພາະວັນທີ 28 ມິຖຸນານີ້ມີປະຊາຊົນເສຍຊີວິດເປັນຢ່າງໜ້ອຍ 40 ຄົນ.
ຂ່າວສານຊີຣີລາຍງານວ່າ: ວັນທີ 28 ມິຖຸນານີ້, ສະຫະພັນສາກົນຕໍ່ຕ້ານISໄດ້ຖິ້ມລະເບີດໃສ່ເມືອງດາບລານແຂວງເດເອີເອັສໂຈເອີ ທາງພາກຕາເວັນອອກຢ່າງຕໍ່ເນື່ອງສົ່ງຜົນເຮັດໃຫ້ປະຊາຊົນເສຍຊີວິດເປັນຢ່າງໜ້ອຍ 40 ຄົນ ແລະຜູ້ເສຍຊີວິດສ່ວນໃຫຍ່ແມ່ນແມ່ຍິງແລະເດັກນ້ອຍ. ຂະນະທີ່ອົງການຕິດຕາມສິດທິມະນຸດຊີຣີທີ່ມີສຳນັກງານໃຫຍ່ຕັ້ງຢູ່ນະຄອນຫຼວງລອນດອນປະເທດອັງກິດກໍໄດ້ຢືນຢັນວ່າ ວັນທີ 26 ເດືອນດຽວກັນ, ສະຫະພັນສາກົນຕໍ່ຕ້ານIS ໄດ້ຖິ້ມລະເບີດໃສ່ ຄຸກຂອງກຸ່ມISໃນເມືອງໄມອາດີນ ສົ່ງຜົນເຮັດໃຫ້ມີຜູ້ເສຍຊີວິດເປັນຢ່າງໜ້ອຍ 57 ຄົນ.