ສະພາມົນຕີສະຫະພາບເອີຣົບ ຫຼື ອີຢູ ໄດ້ອອກຖະແຫຼງການໃນວັນທີ 28 ມິຖຸນານີ້ຫຼັງເຫັນວ່າ ສະພາບການຈັດຕັ້ງປະຕິບັດສັນຍາມິງສ໌ຍັງບໍ່ໄດ້ຕາມເປົ້າໝາຍຂອງຕົນພໍເທົ່າໃດ ຈຶ່ງຕົກລົງແກ່ຍາວເວລາຂວ້ຳບາດເສດຖະກິດຣັດເຊຍໄປຈົນເຖິງວັນທີ 31 ມັງກອນປີ 2018.
ການຂວ້ຳບາດຣັດເຊຍຂອງອີຢູປະກອບດ້ວຍການຈຳກັດວິສາຫະກິດຕ່າງໆຂອງຣັດເຊຍເຂົ້າຕະຫຼາດທຶນຂັ້ນ 1 ແລະ 2 ເຊິ່ງກວມເອົາວິສາຫະກິດພະລັງງານ 3 ແຫ່ງ, ວິສາຫະກິດປ້ອງກັນປະເທດ 3 ແຫ່ງ, ອົງການທະນາຄານແຫ່ງຊາດ 5 ແຫ່ງ ພ້ອມດ້ວຍບໍລິສັດຈຳກັດ ພຽງຜູ້ດຽວ; ຫ້າມການສົ່ງອອກ-ນຳເຂົ້າອາວຸດຍຸດໂທປະກອນ; ຈຳກັດດ້ານເຕັກນິກ ຫຼື ການບໍລິການໃນຂົງເຂດຕ່າງໆ ເປັນຕົ້ນການສຳຫຼວດ-ຂຸດຄົ້ນນ້ຳມັນເຊື້ອໄຟ; ຫ້າມສົ່ງອອກຜະລິດຕະພັນທັງທາງການທະຫານແລະພົນລະເຮືອນ ແລະອື່ນໆ.
ທັງນີ້, ເມື່ອເດືອນກໍລະກົດປີ 2014, ອີຢູໄດ້ຂວ້ຳບາດເສດຖະກິດຣັດເຊຍ ໂດຍອ້າງການ "ກໍ່ຄວາມບໍ່ສະຫງົບຢູ່ພາກຕາເວັນອອກອູແກຣນ ແລະຈາກນັ້ນມາກໍໄດ້ແກ່ຍາວເວລາຂວ້ຳບາດເປັນຫຼາຍໆ ເທື່ອແລ້ວ.
