ສື່ມວນຊົນໄທລາຍງານໃນວັນທີ 26 ມິຖຸນານີ້ວ່າ: ໂຈນທະເລ 6 ຄົນໄດ້ປຸ້ນເຮືອນ້ຳມັນເຊື້ອໄຟທີ່ຕິດທຸງຊາດໄທລຳໜຶ່ງໃນວັນທີ 24 ເດືອນນີ້ ໂດຍໄດ້ປຸ້ນຊັບລູກເຮືອ ທັງນ້ຳມັນກາຊວນ 1 ລ້ານ 5 ແສນລິດ ພ້ອມດ້ວຍເຄື່ອງຂອງທີ່ຂົນຈາກຕາເວັນອອກກາງໃນເຮືອໄປເຄິ່ງໜຶ່ງ.
ລູກເຮືອຂອງເຮືອລຳນີ້ຢືນຢັນວ່າ: ໂຈນທະເລໄດ້ປຸ້ນໃນນ່ານທະເລມາເລເຊຍ ໂດຍການໃຊ້ປືນບັງຄັບໃຫ້ມອດຈັກ ແລະປີນຂຶ້ນເຮືອ. ຈາກນັ້ນ, ໂຈນທະເລໄດ້ມັດລູກເຮືອທັງ 17 ຄົນໄວ້, ປຸ້ນຊັບສິນເຂົາ ແລະດູດເອົານ້ຳມັນກາຊວນລົງເຮືອຂອງຕົນ. ຫຼັງໂຈນທະເລໜີແລ້ວ ລູກເຮືອກໍແກ້ເຊືອກມັດອອກໄດ້ ແລະສືບຕໍ່ຂັບເຮືອມຸ່ງໜ້າສູ່ແຂວງສົງຂາ ຈຸດຂົນຖ່າຍສິນຄ້າເທື່ອນີ້.
ຂ່າວລາຍງານຕື່ມວ່າ: ປັດຈຸບັນ, ກອງທັບເຮືອໄທ ແລະ ມາເລເຊຍໄດ້ເລີ່ມສືບສວນແລະໄລ່ຈັບໂຈນທະເລຮ່ວມກັນແລ້ວ.
