ງານແລກປ່ຽນເສດຖະກິດການຄ້າແລະພິທີເຊັນສັນຍາໂຄງການຮ່ວມມືລະຫວ່າງແຂວງຈີລິນຈີນແລະກຳປູເຈຍຈັດຂຶ້ນຢູ່ນະຄອນຫຼວງພະນົມເປັນ

ຕອນບ່າຍວັນທີ29ມິຖຸນານີ້, ແຂວງຈີລິນຈີນແລະລາຊະອານາຈັກກຳປູເຈຍໄດ້ຮ່ວມກັນຈັດງານແລກປ່ຽນເສດຖະກິດການຄ້າ, ແລະໄດ້ເຊັນສັນຍາຮ່ວມມື ຫຼາຍໂຄງການ.

ທ່ານຈິ່ນອີ້ຫຸ່ຍ, ຮອງເຈົ້າແຂວງແຂວງຈີລິນກ່າວວ່າ, ອົງການປົກຄອງແຂວງບັດຕຳບອງທີ່ເປັນແຂວງໃຫຍ່ດ້ານກະສິກຳຂອງກຳປູເຈຍກັບ ແຂວງຈີລິນໄດ້ເຊັນບົດບັນທຶກກ່ຽວກັບການແລກປ່ຽນແລະຮ່ວມມືດ້ານເສດຖະກິດການຄ້າ, ເພື່ອສ້າງພື້ນຖານເຮັດໃຫ້ການຮ່ວມມືລະຫວ່າງອົງການປົກຄອງສອງຝ່າຍກ້າວສູ່ລວງເລິກ, ນອກນີ້ວິສາຫະກິດຂອງແຂວງຈີລິນຍັງໄດ້ເຊັນສັນຍາຮ່ວມມືຫຼາຍໂຄງການກັບຄູ່ຮ່ວມມືກຳປູເຈຍ, ເຊິ່ງສະແດງໃຫ້ເຫັນວ່າ,ການຮ່ວມມືລະຫວ່າງແຂວງຈີລິນກັບກຳປູເຈຍໄດ້ມີຄວາມຄືບໜ້າໃໝ່ຢ່າງໜັກແໜ້ນ.

ທ່ານກ່າວຕື່ມວ່າ, ແຂວງຈີລິນໃຫ້ຄວາມສຳຄັນສູງຕໍ່ການຮ່ວມມືດ້ານເສດຖະກິດການຄ້າກັບກຳປູເຈຍ, ຈະສ້າງສະພາການຄ້າຈີລິນຢູ່ກຳປູເຈຍ, ເພື່ອຊຸກຍູ້ການຮ່ວມມືສອງຝ່າຍໃນຂົງເຂດກະສິກຳ,ອຸດສາຫະກຳ,ການກໍ່ສ້າງແລະການຂົນສົ່ງສິນຄ້າເປັນຕົ້ນ.