ກອງປະຊຸມສຸດຍອດກຸ່ມ 20 ປະເທດຫຼື G20 ຈະຈັດຂຶ້ນຢູ່ເມືອງແຮມເບີເກີປະເທດເຢຍລະມັນໃນວັນທີ 7 ຫາວັນທີ 8 ເດືອນກໍລະກົດ. ວັນທີ 29 ມິຖຸນານີ້, ປະມຸກລັດປະເທດເອີລົບຫຼາຍທ່ານໄດ້ພົບປະກັນຢູ່ແບກແລງແລະກ່າວຢ້ຳວ່າຈະສະໜັບສະໜູບການຄ້າເສລີແລະ "ສັນຍາປາຣີ" ໃນງານຖະແຫຼງຂ່າວທີ່ຈັດຂຶ້ນຫຼັງການພົບປະ.
ໃນງານຖະແຫຼງຂ່າວດັ່ງກ່າວ, ທ່ານນາງອັນເຈີລາ ເມີເຄວ ນາຍົກລັດຖະມົນຕີເຢຍລະມັນກ່າວວ່າ, ປະເທດເອີລົບມີຫຼັກໝັ້ນເປັນເອກະພາບກັນໃນດ້ານການຊຸກຍູ້ "ສັນຍາປາຣີ", ແລະ "ມີຄວາມເດັດດ່ຽວກວ່າທຸກເວລາທີ່ຜ່ານມາ". ຂະນະດຽວກັນ, ຜູ້ນຳປະເທດເອີລົບເຫຼົ່ານີ້ກ່າວຕື່ມວ່າ, ຈະສະໜັບສະໜູນການຄ້າເສລີແລະການຮ່ວມມືສາກົນໃນກອງປະຊຸມສຸດຍອດປະເທດ G20 ທີ່ຈະຈັດຂຶ້ນຢູ່ເມືອງແຮມເບີເກີໃນຄັ້ງນີ້ອີກດ້ວຍ.
ສຳລັບຄວາມຂັດແຍ້ງດ້ານການຄ້າເສລີແລະຫົວຂໍ້ການປ່ຽນແປງດິນຟ້າອາກາດຂອງໂລກລະຫວ່າງເອີລົບກັບອາເມລິກາ, ທ່ານນາງເມີເຄວກ່າວວ່າ, ສອງຝ່າຍມີຄວາມເຫັນແຕກຕ່າງກັນຢ່າງຈະແຈ້ງ, ການເຈລະຈາຂອງກອງປະຊຸມສຸດຍອດປະເທດ G20 ຈະຫຍຸ້ງຍາກທີ່ສຸດຢ່າງແນ່ນອນ.
 |
