ຕາມຂ່າວCRI: ວັນທີ 29 ມິຖຸນານີ້, ທະນາຄານຈີນ ຫຼື BOC ໄດ້ປະກາດສ້າງຕັ້ງສູນຈຳໜ່າຍພັນທະບັດອາຊີຢູ່ສິງກະໂປ ເຊິ່ງແມ່ນທະນາຄານຂອງຈີນທີ່ສ້າງຕັ້ງສູນຈຳໜ່າຍພັນທະບັດປະຈຳພາກພື້ນແຫ່ງທຳອິດຢູ່ສິງກະໂປ.
ທ່ານຊິວຈື້ຄຸນ ຜູ້ອຳນວຍການໃຫຍ່ທະນາຄານຈີນສາຂາສິງກະໂປກ່າວໃນພິທີເປີດການບໍລິການວ່າ, ທະນາຄານຈີນໄດ້ອອກແຮງຮັບໃຊ້ການໄປມາຫາສູ່ແລະການຮ່ວມມືລະຫວ່າງຈີນແລະສິງກະໂປມາໂດຍຕະຫຼອດ, ໂດຍອີງຕາມຄວາມສາມາດດ້ານວິຊາການໃນຕະຫຼາດໜີ້ສິນ ແລະບົດຮຽນການທຸລະກິດຢູ່ສິງກະໂປມາເປັນເວລາ 80 ກວ່າປີ, ເຊື່ອວ່າສູນດັ່ງກ່າວຈະສາມາດໃຫ້ການບໍລິການດ້ານການທະນາຄານຫຼາຍກວ່າເກົ່າໃຫ້ແກ່ວິສາຫະກິດຂອງສິງກະໂປແລະຂອງພາກພື້ນ ພ້ອມທັງສືບຕໍ່ຊຸກຍູ້ທະນາຄານຈີນໃນການສ້າງໂຄງການຂອງຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ໂດຍອີງໃສ່ຖານະທີ່ເປັນໃຈກາງການທະນາຄານພາກພື້ນຂອງສິງກະໂປ ເພື່ອຊຸກຍູ້ການພັດທະນາເສດຖະກິດຂອງທົ່ວພາກພື້ນໃຫ້ດີຂຶ້ນກວ່າເກົ່າ.