ຕາມຂ່າວCRI: ກອງປະຊຸມການປະດິດອັດສະຣິຍະໂລກຄັ້ງທຳອິດຈັດຂຶ້ນຢູ່ນະຄອນຖ່ຽນສິນໃນວັນທີ 29 ມິຖຸນານີ້, ຜູ້ແທນແລະຊ່ຽວຊານທີ່ມາຈາກອົງການຄົ້ນຄວ້າວິທະຍາສາດທີ່ມີຊື່ສຽງ ແລະວິສາຫະກິດນຳໜ້າທັງພາຍໃນແລະຕ່າງປະເທດໄດ້ຮ່ວມກັນຄົ້ນຄວ້າການຂະຫຍາຍຕົວດ້ານວິທະຍາສາດເຕັກໂນໂລຊີສະມາດ ແລະວາງແຜນຈະເຮັດແນວໃດເພື່ອຊຸກຍູ້ການພັດທະນາເສດຖະກິດສັງຄົມ.
ເຈົ້າໜ້າທີ່ກະຊວງວິທະຍາສາດເຕັກໂນໂລຊີກ່າວໃນກອງປະຊຸມວ່າ, ລັດຖະບານຈີນເອົາໃຈໃສ່ສູງຕໍ່ການພັດທະນາການປະດິດອັດສະຣິຍະ. ປັດຈຸບັນ, ກະຊວງວິທະຍາສາດເຕັກໂນໂລຊີແລະຄະນະກຳມະການພັດທະນາແລະປະຕິຮູບແຫ່ງລັດຈີນໄດ້ຮ່ວມກັບພາກສ່ວນທີ່ກ່ຽວຂ້ອງໄດ້ສຳເລັດການຮຽບຮຽງແຜນການພັດທະນາການປະດິດອັດສະຣິຍະຮຸ່ນໃໝ່ ແລະຈະເປີດເຜີຍຕໍ່ສັງຄົມໃນໄວໆນີ້.
ໃນໄລຍະດຳເນີນກອງປະຊຸມເປັນເວລາສອງວັນນັ້ນ, ນອກຈາກກອງປະຊຸມໃຫຍ່ແລ້ວ, ຍັງມີ 15 ກອງປະຊຸມຍ່ອຍຕ່າງໆ ແລະຍັງໄດ້ຈັດງານວາງສະແດງເຕັກໂນໂລຊີສະມາດໂລກ, ການແຂ່ງຂັນຂັບຂີ່ແບບສະມາດໂລກ ແລະອື່ນໆຕື່ມອີກ.
 |
