ພິທີຖະແຫຼງຂ່າວຜົນງານການສ້າງສູນປະດິດສ້າງວິທະຍາສາດເຕັກໂນໂລຊີທົ່ວປະເທດຂອງນະຄອນຫຼວງປັກກິ່ງຈັດຂຶ້ນຢູ່ປັກກິ່ງເມື່ອມໍ່ໆມານີ້, ທ່ານສູສຽງ ຫົວໜ້າຄະນະກຳມາທິການວິທະຍາສາດເຕັກໂນໂລຊີນະຄອນຫຼວງປັກກິ່ງເປີດເຜີຍວ່າ, ປັກກິ່ງພວມເລັ່ງລັດການເຕົ້າໂຮມນັກວິທະຍາສາດແລະທີມງານປະດິດສ້າງລະດັບໂລກ. ມາຮອດທ້າຍເດືອນພຶດສະພາຜ່ານມານີ້, ປັກກິ່ງໄດ້ອອກ"ບັດຂຽວ" ພັກເຊົາຖາວອນໃຫ້ແກ່ຊາວຕ່າງປະເທດທີ່ເຮັດວຽກຢູ່ໃນປະເທດຈີນເກືອບ 500 ຄົນ ເຊິ່ງເປັນການບຸກທະລຸແບບກ້າວກະໂດດ.
ຂ່າວແຈ້ງຕື່ມວ່າ, ຄຸ້ມຈຸ່ງກ່ວນຊຸ່ນປັກກິ່ງເປັນເຂດຕົວແບບປະດິດສ້າງແຫ່ງລັດ ເຊິ່ງມີນະໂຍບາຍຄຸ້ມຄອງການເຂົ້າອອກເມືອງຂອງຊາວຕ່າງປະເທດ 10 ລາຍ ທີ່ເປັນການທົດລອງກ່ອນໝູ່ໃນທົ່ວປະເທດຈີນ, ມາຮອດປັດຈຸບັນ ນະໂຍບາຍເຫຼົ່ານີ້ໄດ້ຂະຫຍາຍໄປເຖິງເມືອງສາວຢ໋າງແລະເມືອງຊຸ້ນຢີ້ຂອງນະຄອນຫຼວງປັກກິ່ງແລ້ວ.