ຕອນບ່າຍວັນທີ 29 ມິຖຸນານີ້, ຢູ່ເຂດວັດທະນະທຳຊີ່ຈີວ ຮົງກົງ, ທ່ານສີຈີນຜີງ ປະທານປະເທດຈີນໄດ້ເຂົ້າຮ່ວມພິທີເຊັນ 'ສັນຍາການຮ່ວມມືກໍ່ສ້າງຫໍພິພິທະພັນວັດທະນະທຳພະລາດຊະວັງບູຮານຮົງກົງ'.
ເຂດວັດທະນະຊີ່ຈີວແມ່ນເຂດໂຄງການວັດທະນະທຳສຳຄັນຂອງຮົງກົງ, ລວມທັງສິ່ງກໍ່ສ້າງທີ່ສິນລະປະວັດທະນະທຳ 17 ແຫ່ງ, ເຊັ່ນ, ຫໍພິພິທະພັນວັດທະນະທຳພະລາຊະວັງ ແລະ ສູນງິ້ວເປັນຕົ້ນ. ຫຼັງຈາກຫໍພິພິທະພັນວັດທະນະທຳພະລາຊະວັງສ້າງສຳເລັດແລ້ວ ຈະວາງສະແດງວັດຖຸບູຮານຂອງຫໍພິພິທະພັນພະລາຊະວັງບູຮານ ເພື່ອເຮັດໃຫ້ຊີວິດການເປັນຢູ່ດ້ານວັດທະນະທຳຂອງຮົງກົງອຸດົມສົມບູນຂຶ້ນກວ່າເກົ່າ. ອົງການຄຸ້ມຄອງເຂດວັດທະນະທຳຊີ່ຈີວ ກັບ ຫໍພິພິທະພັນພະລາຊະວັງບູຮານຈະຮ່ວມມືກັນດຳເນີນການວາງສະແດງວັດຖຸບູຮານ, ອົບຮົມນັກວິຊາການ ແລະ ການແລກປ່ຽນຢ້ຽມຢາມຂອງບຸກຄົນຕ່າງໆ.
ທ່ານສີຈີນຜີງກ່າວວ່າ, ຫວັງໃຫ້ໂຄງການເຂດວັດທະນະທຳຊີ່ຈີວສາມາດຊຸກຍູ້ອຸດສາຫະກຳການປະດິດສ້າງດ້ານວັດທະນະທຳຂອງຮົງກົງໃຫ້ພັດທະນາ, ເຮັດໃຫ້ເນື້ອໃນດ້ານວັດທະນະທຳຂອງຮົງກົງ ເຊິ່ງເປັນຕົວເມືອງໃຫຍ່ສາກົນນັ້ນໃຫ້ສົມບູນຂຶ້ນກວ່າເກົ່າ, ເສີມຂະຫຍາຍບົດບາດທີ່ເປັນເວທີແລກປ່ຽນວັດທະນະທຳຈີນ ກັບ ຝ່າຍຕາເວັນຕົກ, ພ້ອມທັງຊຸກຍູ້ການຮ່ວມມືແລກປ່ຽນວັດທະນະທຳກັບແຜ່ນດິນໃຫຍ່ຈີນ.