ວັນທີ 30 ມິຖຸນາຜ່ານມາ, ສະພາຄວາມໝັ້ນຄົງສະຫະປະຊາຊາດໄດ້ຜ່ານມະຕິຕົກລົງສະບັບໜຶ່ງ ໂດຍໄດ້ສະແດງຄວາມເປັນຫ່ວງຢ່າງເລິກເຊິ່ງຕໍ່ໄພຂົ່ມຂູ່ດ້ານຄວາມປອດໄພຈາກສິ່ງລະເບີດແລະເຄື່ອງຕິດຕັ້ງລະເບີດແບບງ່າຍທີ່ເຫຼືອຈາກສົງຄາມເຊັ່ນໝາກມິນເປັນຕົ້ນ ໂດຍຮຽກຮ້ອງໃຫ້ຝ່າຍປະທະກັນຂອງກຸ່ມປະກອບອາວຸດແລະປະຊາຄົມໂລກຈົ່ງໃຊ້ມາດຕະການເພື່ອຫຼຸດຜ່ອນໄພຂົ່ມຂູ່ທີ່ມີຕໍ່ປະຊາຊົນ.
ມະຕິດັ່ງກ່າວລະບຸວ່າ: ສະພາຄວາມໝັ້ນຄົງສະຫະປະຊາຊາດໄດ້ສະແດງຄວາມເປັນຫ່ວງຢ່າງເລິກເຊິ່ງຕໍ່ໄພຂົ່ມຂູ່ຈາກສິ່ງລະເບີດເຫຼົ່ານີ້ຕໍ່ຊາວອົບພະຍົບທີ່ເມືອບ້ານ,ປະຊາຊົນ,ຜູ້ຮັກສາສັນຕິພາບ,ຜູ້ເຮັດວຽກມະນຸດສະທຳແລະອື່ນໆ, ແລະຮຽກຮ້ອງໃຫ້ຝ່າຍປະທະກັນຂອງກຸ່ມປະກອບອາວຸດຈົ່ງຢຸດຕິການກະທຳທີ່ໃຊ້ເຄື່ອງຕິດຕັ້ງລະເບີດທົ່ວທີບໃນທັນທີ,ເພື່ອປ້ອງກັນບໍ່ໃຫ້ປະຊາຊົນຖືກໄພຂົ່ມຂູ່ຈາກເຄື່ອງຕິດຕັ້ງລະເບີດດັ່ງກ່າວ,ພ້ອມທັງສົ່ງເສີມໃຫ້ປະຊາຄົມໂລກພະຍາຍາມກຳຈັດເຄື່ອງຕິດຕັ້ງເຫຼົ່ານີ້,ຈັດການສຶກສາດ້ານຄວາມປອດໄພຕໍ່ປະຊາຊົນ,ໃຫ້ຄວາມຊ່ວຍເຫຼືອແກ່ຄົນພິການຜູ້ຖືກເຄາະຮ້າຍເພື່ອຟື້ນຟູສຸຂະພາບເປັນປົກກະຕິແລະເຊື່ອມໂຍງເຂົ້າກັບສັງຄົມ.