ຕອນຂ້ອນແຈ້ງວັນທີ 1 ກໍລະກົດນີ້ ຢູ່ຮ້ານລາຕີບັນເທີງແຫ່ງໜຶ່ງໃນໃຈກາງເມືອງລິໂຕຣອກລັດອາເຄີນຊັສ ທາງພາກໃຕ້ອາເມລິກາໄດ້ເກີດເຫດການໃຊ້ອາວຸດປືນກໍ່ຄວາມຮຸນແຮງ, ຢ່າງໜ້ອຍເຮັດໃຫ້ມີ 17 ຄົນໄດ້ຮັບບາດເຈັບ, ໃນນັ້ນມີໜຶ່ງຄົນບາດເຈັບສາຫັດ.
ຫຼັງເກີດເຫດ, ເຈົ້າໜ້າທີ່ຕຳຫຼວດທ້ອງຖິ່ນໄດ້ຖະແຫຼງຢູ່ເທີງເວັບໄຊວ່າ, ເຫດການຍິງກັນດັ່ງກ່າວບໍ່ແມ່ນການຫຼອນໂຈມຕີແບບກໍ່ການຮ້າຍ, ມືປືນບໍ່ໄດ້ຕັ້ງໃຈຍິງປືນໃສ່ກຸ່ມຄົນອ້ອມຂ້າງ, ແລະເຫດການໄດ້ເກີດຂຶ້ນຫຼັງໂຕ້ຖຽງກັນ. ກ່ອນໜ້ານັ້ນ, ໃນຮ້ານລາຕີດັ່ງກ່າວມີວົງດົນຕີກຳລັງເສບດົນຕີຢູ່. ແຕ່ທັນໃດນັ້ນໄດ້ມີສຽງປືນດັງຂຶ້ນ ເຊິ່ງພາຍໃນ 11 ວິນາທີ ໄດ້ຍິນສຽງປືນຢ່າງໜ້ອຍ 24 ນັດ. ຜູ້ໄດ້ຮັບບາດເຈັບ 17 ຄົນນັ້ນມີອາຍຸຢູ່ລະຫວ່າງ 16-20 ປີ. ນອກຈາກໜຶ່ງຄົນໄດ້ຮັບບາດເຈັບສາຫັດແລ້ວ, ສ່ວນຜູ້ຄົນອື່ນໆລ້ວນແຕ່ໄດ້ຮັບບາດເຈັບເລັກໜ້ອຍຂະນະທີ່ແລ່ນໜີອອກຈາກຮ້ານລາຕີ. ປັດຈຸບັນ ຜູ້ໄດ້ຮັບບາດເຈັບລ້ວນແຕ່ຖືກສົ່ງໄປບິ່ນບົວຢູ່ໂຮງໝໍ, ແລະອາການເຈັບໄດ້ຢູ່ໃນສະພາບຊົງຕົວ.
ເຈົ້າໜ້າທີ່ຕຳຫຼວດຢືນຢັນວ່າ, ໃນເວລາເກີດເຫດ, ອາດຈະມີຫຼາຍຄົນໄດ້ຍິງປືນໃສ່ກັນ, ແຕ່ບໍ່ໄດ້ຢືນຢັນວ່າມີຜູ້ໃດຖືກຈັບ, ປັດຈຸບັນ ສະຖານທີ່ເກີດເຫດກໍຖືກຫ້າມເຂົ້າອອກແລ້ວ.
