ຕອນເຊົ້າວັນທີ 1 ກໍລະກົດນີ້, ພິທີສະເຫຼີມສະຫຼອງເຂດບໍລິຫານພິເສດໂຮງກົງກັບຄືສູ່ປະເທດຊາດຄົບຮອບ 20 ປີແລະພິທີສາບານຕົວຂຶ້ນຮັບຕຳແໜ່ງຂອງສະມາຊິກອົງການປົກຄອງຊຸດທີ 5 ຂອງເຂດບໍລິຫານພິເສດຮົງກົງໄດ້ຈັດຂຶ້ນຢູ່ສູນວາງສະແດງຮົງກົງ. ທ່ານນາງແຄຣິແລມແຈງເຢັດງໍໄດ້ສາບານຕົວຂຶ້ນຮັບຕຳແໜ່ງຜູ້ວ່າການເຂດບໍລິຫານພິເສດຮົງກົງ ຊຸດທີ 5, ແລະກໍແມ່ນຜູ້ວ່າການເພດຍິງຜູ້ທຳອິດຂອງເຂດພິເສດຮົງກົງ.
ທ່ານນາງແຄຣີແລມແຈງເຢັດງໍກ່າວວ່າ, ນຳນາດການປົກຄອງເຂດພິເສດຊຸດນີ້ຈະເຕັມໄປດ້ວຍຄວາມຫ້າວຫັນເພື່ອບຸກບຶນກ້າວໜ້າ, ຕັ້ງຕົວໃນຖານະເປັນ "ຜູ້ຊຸກຍູ້" ແລະ "ຜູ້ເຜີຍແຜ່", ປັບປຸງແລະຍົກສູງຂະແໜງການດັ້ງເດີມທີ່ມີທ່າແຮງຂອງຮົງກົງ, ທັງສຸມໃສ່ຊຸກຍູ້ພັດທະນາການປະດິດສ້າງໃໝ່ແລະຂະແໜງການວິທະຍາສາດເຕັກນິກ-ນະວັດຕະກຳ, ເພີ່ມພະລັງແຮງຕ່າງໆເຂົ້າໃນການພັດທະນາເສດຖະກິດ, ຂະນະທີ່ເສດຖະກິດເຕີບໂຕຈະເປັນແຫຼ່ງຊັບພະຍາກອນທີ່ປັບປຸງຊີວິດການເປັນຂອງຊາວເມືອງໃຫ້ດີຂຶ້ນຢ່າງຕໍ່ເນື່ອງ, ຂະນະດຽວກັນກໍພະຍາຍາມສ້າງໂອກາດເຮັດວຽກງານທຳທີ່ດີໃຫ້ແກ່ຊາວຮົງກົງໂດຍສະເພາະແມ່ນຊາວໜຸ່ມ. ນອກນີ້, ອຳນາດການປົກຄອງຊຸດນີ້ຈະເພີ່ມທະວີການພົວພັນແລະແລກປ່ຽນກັບສະມາຊິກອົງການນິຕິບັນຍັດແລະວົງການຕ່າງໆຂອງສັງຄົມກ່ຽວກັບຫົວຂໍ້ສັງຄົມຕ່າງໆ, ເພື່ອສ້າງຄວາມຮັບຮູ້ທີ່ເປັນເອກະພາບກັນ.
 |
