ທ່ານສີຈິ້ນຜິງເດີນທາງອອກຈາກປັກກິ່ງເລີ່ມຢ້ຽມຢາມຣັດເຊຍແລະເຢຍລະມັນທາງລັດຖະກິດແລະເຂົ້າຮ່ວມກອງປະຊຸມສຸດຍອດຄັ້ງທີ 12 ຂອງຜູ້ນຳກຸ່ມ 20 ປະເທດ
2017-07-03 14:33:09 cri
ໂດຍຕອບສະໜອງຕາມຄຳເຊີນຂອງທ່ານວຼາດິເມຍ ປູຕິນ ປະທານາທິບໍດີຣັດເຊຍ, ທ່ານແຟຣງ ວອນເຕີ ສະເຕັນເມເອີ ປະທານາທິບໍດີເຢຍລະມັນແລະທ່ານນາງອັນເຈີລາ ເມີເຄວ ນາຍົກລັດຖະມົນຕີເຢຍລະມັນ, ທ່ານສີຈິ້ນຜິງ ປະທານປະເທດຈີນເດີນທາງອອກຈາກປັກກິ່ງດ້ວຍຍົນພິເສດໃນຕອນເຊົ້າວັນທີ 3 ກໍລະກົດນີ້, ເພື່ອຢ້ຽມຢາມສອງປະເທດດັ່ງກ່າວທາງລັດຖະກິດ. ແລະໂດຍຕອບສະໜອງຕາມຄຳເຊີນຂອງທ່ານນາງເມີເຄວ ນາຍົກລັດຖະມົນຕີເຢຍລະມັນ, ທ່ານສີຈິ້ນຜີງຈະເຂົ້າຮ່ວມກອງປະຊຸມສຸດຍອດຄັ້ງທີ 12 ຂອງຜູ້ນຳກຸ່ມ 20 ປະເທດຫຼື G20 ຢູ່ເມືອງແຮມເບີເກີປະເທດເຢຍລະມັນໃນວັນທີ 7 ຫາວັນທີ 8 ເດືອນກໍລະກົດຕື່ມອີກ.
