ຂ່າວສານກາຕາລາຍງານໃນວັນທີ 2 ກໍລະກົດນີ້ວ່າ, ທ່ານໂມຮຳເມັດ ບິນ ອັບດຸນຣາມັນ ອັນຊະນີ, ລັດຖະມົນຕີກະຊວງການຕ່າງປະເທດກາຕາກ່າວໃນໂອກາດຢ້ຽມຢາມປະເທດອີຕາລີໃນວັນທີ 1 ກໍລະກົດນີ້ວ່າ, ກາຕາປະຕິເສດຮັບຄຳສະເໜີຂອງອາຣັບບີຊາອູດິດແລະປະເທດອື່ນໆທີ່ຕັດສາຍພົວພັນກັບປະເທດຕົນ.
ທ່ານໂມຮຳເມັດກ່າວວ່າ, ຄຳສະເໜີຂອງປະເທດເຫຼົ່ານີ້ເປັນການລະເມີດກົດໝາຍສາກົນ, ເຊິ່ງເປົ້າໝາຍບໍ່ແມ່ນເພື່ອຕໍ່ຕ້ານລັດທິກໍ່ການຮ້າຍ, ແຕ່ຫາກແມ່ນການ "ທຳລາຍສິດອະທິປະໄຕ" ຂອງກາຕາ, ແລະຈາກນີ້ປະເທດຕົນຈຶ່ງປະຕິເສດຂໍ້ສະເໜີດັ່ງກ່າວ. ແນວໃດກໍດີ, ກາຕາຍິນດີເຈລະຈາກັບປະເທດເຫຼົ່ານີ້ຕາມຫຼັກໝັ້ນແລະເງື່ອນໄຂທີ່ເໝາະສົມ.
ຕໍ່ກໍລະນີທີ່ອາຣັບບີຊາອູດິດເປີດເຜີຍໂດຍອາດຈະໂຈມຕີທາງທະຫານນັ້ນ, ທ່ານໂມຮຳເມັດກ່າວວ່າ, ການກະທຳແບບນີ້ບໍ່ສາມາດຮັບເອົາໄດ້, ແຕ່ກາຕາກໍບໍ່ຢ້ານກົວແຕ່ປະການໃດ.