ພິທີເປີດ "ໂຄງການຮູບເງົາຊາວໜຸ່ມຕ່າງປະເທດເບິ່ງເມືອງຈີນ2017" ໄດ້ຈັດຂຶ້ນໃນວັນທີ 3 ກໍລະກົດນີ້ຢູ່ເມືອງໂອໂດສເຂດປົກຄອງຕົນເອງມົງໂກໃນ ສປ ຈີນໂດຍຜູ້ຕາງໜ້າຈາກຄະນະໂຄສະນາຄະນະພັກເມືອງດັ່ງກ່າວພ້ອມດ້ວຍສະຖາບັນຄົ້ນຄວ້າການເຜີຍແຜ່ວັດທະນະທຳຈີນສາກົນມະຫາວິທະຍາໄລສ້າງຄູປັກກິ່ງ, ວິທະຍຸສາກົນແຫ່ງປະເທດຈີນ ແລະນັກວິຊາການຮູບເງົາຊາວໜຸ່ມຈາກ 5 ປະເທດອາຊີຕາເວັນອອກສຽງໃຕ້ເຂົ້າຮ່ວມ. ນີ້ແມ່ນໂຄງການຮ່ວມມືລະຫວ່າງສະຖາບັນຄົ້ນຄວ້າການເຜີຍແຜ່ວັດທະນະທຳຈີນສາກົນມະຫາວິທະຍາໄລສ້າງຄູປັກກິ່ງແລະສູນອາຊີຕາເວັນອອກສຽງໃຕ້ວິທະຍຸສາກົນແຫ່ງປະເທດຈີນ ເຊິ່ງໄດ້ສ້າງຕັ້ງໜ່ວຍວິຊາການເປັນເທື່ອທຳອິດແລະໄດ້ເຊີນນັກວິຊາການຮູບເງົາຈາກກຳປູເຈຍ, ລາວ, ມຽນມາ,ມາເລເຊຍແລະໄທຖ່າຍວິຖີຊີວິດຂອງນາຍຊ່າງ,ການສືບທອດແລະການປະດິດສ້າງເປັນເວລາ 10 ວັນຢູ່ເມືອງໂອໂດສ ແລະໃນທີ່ສຸດກໍສາມາດຜະລິດຟີມສາລະຄະດີວັດທະນະທຳເລື່ອງສັ້ນກ່ຽວກັບໂອໂດສ 5 ເລື່ອງເພື່ອສະແດງໃຫ້ເຫັນການສືບທອດແລະສົ່ງເສີມວັດທະນະທຳຊົນເຜົ່າຈີນຈາກແງ່ມຸມທີ່ແຕກຕ່າງກັນ.