ເວທີປຶກສາຫາລືຊາວໜຸ່ມກອງປະຊຸມຄະນະກຳມະການມໍລະດົກໂລກ ອົງການອຸຍເນັສໂກສະຫະປະຊາຊາດຄັ້ງທີ 41 ໄດ້ອອກຖະແຫຼງການຢູ່ເມືອງຄຣາໂຄ ປະເທດໂປໂລຍໃນວັນທີ 3 ກໍລະກົດນີ້ ໂດຍຮຽກຮ້ອງໃຫ້ເພີ່ມທະວີການປະຕິສັງຂອນ ແລະ ອະນຸລັກມໍລະດົກວັດທະນະທຳແລະທຳມະຊາດ, ຍົກສູງຄວາມຮັບຜິດຊອບຕໍ່ສັງຄົມ ແລະ ປູກຈິດສຳນຶກໃນການອະນຸລັກຂອງທຸກຄົນ. ຂະນະດຽວກັນ ກໍຮຽກຮ້ອງໃຫ້ຊາວໜຸ່ມຈົ່ງມີສ່ວນຮ່ວມໃນການປະຕິສັງຂອນວັດຖຸບູຮານດ້ວຍຄວາມຮັບຜິດຊອບສູງ.
ຜູ້ເຂົ້າຮ່ວມກອງປະຊຸມ ເຫັນວ່າ, ສິ່ງສຳຄັນໃນການຍົກສູງຄວາມຮັບຜິດຊອບຕໍ່ສັງຄົມກໍຄື ການປະຕິສັງຂອນແລະຟື້ນຟູມໍລະດົກປະຫວັດສາດ, ສະໜັບສະໜູນການກໍ່ສ້າງວັດຖຸບູຮານທີ່ຖືກທຳລາຍນັ້ນຄືນໃໝ່. ຂະນະທີ່ໃນການປະຕິສັງຂອນ ແລະການກໍ່ສ້າງຄືນໃໝ່ນັ້ນ ຄວນຫຼີກເວັ້ນການທຳລາຍວັດຖຸບູຮານອີກ.
ກອງປະຊຸມມໍລະດົກໂລກເທື່ອນີ້ໄດ້ຈັດຂຶ້ນຢູ່ເມືອງຄຣາໂຄ ເມືອງເກົ່າແກ່ທີ່ມີຊື່ສຽງຂອງໂປໂລຍໃນຕອນຄ່ຳວັນທີ 2 ກໍລະກົດນີ້ ແລະຈະດຳເນີນເປັນເວລາ 11 ວັນ.