ກອງປະຊຸມສຸດຍອດສະຫະພາບອາຟຣິກາຄັ້ງທີ 29 ຈັດຂຶ້ນຢູ່ເອທິໂອປີ

ວັນທີ 3 ກໍລະກົດນີ້, ກອງປະຊຸມສຸດຍອດສະຫະພາບອາຟຣິກາຄັ້ງທີ 29 ໄດ້ຈັດຂຶ້ນຢູ່ສຳນັກງານໃຫຍ່ສະຫະພາບອາຟຣິກາທີ່ຕັ້ງຢູ່ນະຄອນຫຼວງອາດິສອາເບບາປະເທດເອທິໂອປີ.

ກອງປະຊຸມຄັ້ງນີ້ເນັ້ນ "ການລົງທຶນຕໍ່ຊາວໜຸ່ມເພື່ອນຳໃຊ້ຜົນປະໂຫຍດຈາກປະຊາກອນ". ໂດຍໃນໄລຍະເວລາ 2 ວັນ, ຜູ້ນຳບັນດາປະເທດຈະໄດ້ຫາລືໂດຍປິ່ນອ້ອມຫົວຂໍ້ຕ່າງໆເຊັ່ນ: ການປະຕິຮູບສະຫະພາບອາຟຣິກາ,ການສ້າງເຂດການຄ້າເສລີແຜ່ນດິນໃຫຍ່ອາຟຣິກາ, ສັນຕິພາບແລະຄວາມໝັ້ນຄົງເປັນຕົ້ນ ເພື່ອບັນລຸໄດ້ຄວາມຮັບຮູ້ທີ່ເປັນເອກະພາບຢ່າງກວ້າງຂວາງ ພ້ອມທັງຊຸກຍູ້ການປະຕິບັດມະຕິທີ່ກ່ຽວຂ້ອງ.

ໃນໂອກາດດັ່ງກ່າວ,ທ່ານ ສີຈິ້ນຜິງ ປະທານປະເທດຈີນໄດ້ສົ່ງໂທລະເລກສະແດງຄວາມຊົມເຊີຍຕໍ່ກອງປະຊຸມສຸດຍອດສະຫະພາບອາຟຣິກາຄັ້ງທີ 29 ພ້ອມທັງອວຍພອນຢ່າງຈິງໃຈໃຫ້ສະຫະພາບອາຟຣິກາສາມາດນຳພາປະເທດອາຟຣິກາໄດ້ຮັບຜົນງານທັງສັນຕິພາບແລະການພັດທະນາໃຫຍ່ຫຼວງກວ່າເກົ່າ.