ທ່ານ ທະເຄຮິໂກ ນະຄະໂອ ຜູ້ວ່າການທະນາຄານພັດທະນາອາຊີກ່າວຢູ່ນະຄອນຫຼວງມານີລາປະເທດຟີລິບປີນໃນວັນທີ 3 ກໍລະກົດນີ້ວ່າ, ທະນາຄານຕົນຈະປ່ອຍເງິນກູ້ 100 ລ້ານໂດລາໃຫ້ແກ່ຟີລິບປີນ, ເພື່ອສະໜັບສະໜູນໂຄງການກໍ່ສ້າງພື້ນຖານໂຄງລ່າງຂອງປະເທດດັ່ງກ່າວ.
ທ່ານທາເຄຮິໂກະ ນາຄະໂອະ ກ່າວວ່າ, ຟີລິບປີນຕ້ອງການເລັ່ງພັດທະນາການກໍ່ສ້າງພື້ນຖານໂຄງລ່າງ, ເພື່ອຂຸດຄົ້ນກຳລັງບົ່ມຊ້ອນແລະຮັກສາຄວາມສາມາດການແຂ່ງຂັນຂອງຕົນ. ເຊິ່ງທະນາຄານພັດທະນາອາຊີຈະຮ່ວມມືກັບລັດຖະບານຟີລິບປີນໃນອະນາຄົດ, ເພື່ອຊ່ວຍເຫຼືອການກໍ່ສ້າງພື້ນຖານໂຄງລ່າງທີ່ສຳຄັນ.
ໃນ "ບົດລາຍງານຄວາມສາມາດການແຂ່ງຂັນໂລກປີ 2016-2017" ທີ່ເປີດເຜີຍໃນເວທີປຶກສາຫາລືເສດຖະກິດໂລກນັ້ນ, ຟີລິບປີນຢູ່ອັນດັບທີ 95 ຈາກ 138 ປະເທດແລະເຂດແຄວ້ນໃນດ້ານການກໍ່ສ້າງພື້ນຖານໂຄງລ່າງ, ເຊິ່ງຫຼ້າຫຼັງກວ່າມາເລເຊຍ, ໄທ, ອິນໂດເນເຊຍແລະປະເທດອາຊຽນອື່ນໆ, ກໍມີທິດທາງການພັດທະນາອ່າວໃຫຍ່ສົມຄວນ.
 |
