"ມາດຕະການໃນແຜນການພັດທະນາຊັບພະຍາກອນມະນຸດດ້ານການທ່ອງທ່ຽວ 5 ປີຄັ້ງທີ 13" ທີ່ຫ້ອງການກົມທ່ອງທ່ຽວແຫ່ງຊາດຈີນເປີດເຜີຍເມື່ອມໍ່ໆມານີ້ລະບຸວ່າ, ໃນໄລຍະຈັດຕັ້ງປະຕິບັດ "ແຜນການ 5 ປີຄັ້ງທີ 13", ຈຳນວນຜູ້ປະກອບອາຊີບໂດຍກົງໃນຂະແໜງການທ່ອງທ່ຽວຂອງຈີນຈະເພີ່ມຂຶ້ນປະມານ 1 ລ້ານຄົນຕໍ່ປີ ເຊິ່ງເມື່ອຮອດປີ 2020, ຈະມີເຖິງ 33 ລ້ານຄົນ ແລະ ຈາກ 6 ລ້ານ 7 ແສນຄົນໃນທ້າຍ "ແຜນການ 5 ປີຄັ້ງທີ 12" ໄດ້ເພີ່ມຂຶ້ນເປັນ 8 ລ້ານ 2 ແສນ 5 ໝື່ນຄົນ.
ມາດຕະການດັ່ງກ່າວເນັ້ນວ່າ, ຕ້ອງປະຕິບັດແຜນການພັດທະນາຊັບພະຍາກອນມະນຸດດ້ານການທ່ອງທ່ຽວຢ່າງປະດິດສ້າງ ທັງເນັ້ນໃສ່ປິ່ນອ້ອມການປະດິດສ້າງດ້ານຮູບການ, ຜະລິດຕະພັນ, ວິທະຍາສາດເຕັກໂນໂລຊີ ແລະດ້ານວັດທະນະທຳຂອງຂະແໜງການທ່ອງທ່ຽວ, ອອກແຮງຍົກລະດັບຊັບພະຍາກອນມະນຸດທ່ອງທ່ຽວແບບມີຫົວຄິດປະດິດສ້າງ ແລະຍົກລະດັບການບໍລິການຂອງເຈົ້າໜ້າທີ່ຜູ້ປະກອບການທ່ອງທ່ຽວເຂດຊົນນະບົດໃຫ້ສູງຂຶ້ນ. ເພີ່ມທະວີການຝຶກອົບຮົມຄອບຄົວແບບຢ່າງ, ຜູ້ນຳພາ ແລະຜູ້ສືບທອດສີມືພິເສດຢູ່ເຂດທ່ອງທ່ຽວຊົນນະບົດຕື່ມອີກ.
 |
