ວັນທີ3 ຫາ ວັນທີ8 ກໍລະກົດ 2017, "ສື່ມວນຊົນ 12 ປະເທດຕາມ'ໜຶ່ງແລວທາງໜຶ່ງເສັ້ນທາງ"ຢ້ຽມຢາມ ກວາງໂຈ່ວ 2017"ໂດຍວິທະຍຸສາກົນແຫ່ງປະເທດຈີນຫຼື CRI ຮ່ວມກັບຫ້ອງການຖະແຫຼງຂ່າວຂອງອົງການປົກຄອງກວາງໂຈ່ວໄດ້ຈັດຂຶ້ນຢູ່ເມືອງກວາງໂຈ່ວແຂວງກວາງຕຸ້ງ.ໂດຍນັກຂ່າວປະມານ50ຄົນຈາກ12ປະເທດຈະທ່ຽວຊົມ ແລະສະແດງຄວາມຮູ້ສຶກຕໍ່ມົນສະເໜ່ອັນພິເສດຂອງກວາງໂຈ່ວໃນຖານະເປັນຕົວເມືອງສູນກາງຂອງ"ໜຶ່ງແລວທາງໜຶ່ງເສັ້ນທາງ"ແລະຕົວເມືອງລະດັບໜຶ່ງໃນທົ່ວໂລກ.
"ກວາງໂຈ່ວ-ຕົວເມືອງດອກໄມ້:ການເປີດປະຕູແລະການປະດິດສ້າງໃໝ່"ຄືຫົວຂໍ້ຫຼັກ.ທີ່ບັນດານັກຂ່າວຈາກ12ປະເທດຈະໄດ້ສໍາພາດແລະໂຄສະນາເຜີຍແຜ່ສະພາບແວດລ້ອມການລົງທຶນກໍຄືພາບພົດຕົວເມືອງສາກົນແລະເວທີປຶກສາຫາລືຊັບສິນທົ່ວໂລກກວາງໂຈ່ວ2017,ເພື່ອສ່ອງແສງໃຫ້ທົ່ວໂລກຮູ້ກວາງໂຈ່ວດີກວ່າວ່າເກົ່າ,ແລະຍົກຊື່ສຽງຂອງຄວາມເປັນສາກົນໃຫ້ສູງຂຶ້ນ.
ຄະນະນັກຂ່າວດັ່ງກ່າວນອກຈາກມີສື່ສຳຄັນຂອງຈີນຄືCRI,ເນັດປະຊາຊົນ,ເນັດຊິນຮວາແລະchina dailyແລ້ວຍັງມີກັບສື່ມວນຊົນສຳຄັນຂອງປະເທດຕາມ"ໜຶ່ງແລວທາງໜຶ່ງເສັ້ນທາງ"12ປະເທດຄືໂທລະພາບລາວສຕາ,ວິທະຍຸແຫ່ງຊາດປາກິສຖານ,ໂທລະພາບແຫ່ງຊາດກຳປູເຈຍເປັນຕົ້ນ.
ໃນຖານະເປັນຕົວເມືອງການຄ້າທີ່ມີປະຫວັດສາດພັນກວ່າປີບົນເສັ້ນທາງສາຍໄໝທາງທະເລ,ກວາງໂຈ່ວນອກຈາກມີພື້ນຖານການຮ່ວມມືທາງເສດຖະກິດລະຫວ່າງພາກພື້ນອັນກວ້າງຂວາງ,ແລ້ວຍັງເປັນສູນກາງທີ່ຕິດຕໍ່ພົວພັນລະຫວ່າງພາຍໃນປະເທດກັບປະເທດຕາມເສັ້ນທາງສາຍໄໝທາງທະເລ,ແລະແມ່ນເຂດ ການຄ້າສາກົນທີ່ບໍ່ມີຫຍັງປ່ຽນແທນໄດ້.
ໃນບໍ່ເທົ່າໃດປີຜ່ານມາ,ຄະນະພັກແລະອົງການປົກຄອງກວາງໂຈ່ວໄດ້ປະຕິບັດ 5ຍຸດທະສາດ ຄື"ປະດິດສ້າງໃໝ່,ປະສານງານ,ສີຂຽວ,ເປີດປະຕູ,ແລະຮ່ວມກັນພັດທະນາ",ໂດຍເລີ່ມຈາກການວາງແຜນພັດທະນາແບບໃໝ່ດ້ວຍຈຸດເລີ່ມໃໝ່,ແລະສະໜີການສ້າງຕົວເມືອງສູນກາງເຊື່ອມຕໍ່.ເພື່ອຊຸກຍູ້ການສ້າງ3ສູນຍຸດທະສາດ, ຄື:ສູນກາງການຂົນສົ່ງທາງນ້ຳສາກົນ,ສູນກາງທາງອາກາດສາກົນ,ສູນກາງປະດິດສ້າງໃໝ່ວິທະຍາສາດເຕັກໂນໂລຊີສາກົນທີ່ສຳຄັນແນໃສ່ຍົກສູງກຳລັງສັງລວມຕົວຈິງແລະກຳລັງແກ້ງແຍ້ງສາກົນ ຢ່າງຮອບດ້ານ,ແລະຍົກຊື່ສຽງອິດທິພົນຂອງກວາງໂຈ່ວໃນປະເທດຈີນແລະທົ່ວໂລກ.
