ວັນທີ 3 ກໍລະກົດນີ້, ເຈົ້າໜ້າທີ່ຄົ້ນຄວ້າວິທະຍາສາດຈີນທີ່ເຂົ້າຮ່ວມ "ຊຸດຝຶກອົບຮົມການສຳຫຼວດແນວພັນສັດປ່າທີ່ໃກ້ຈະສູນພັນຈີນ-ລາວ" ໄດ້ສຳເລັດການປະຕິບັດໜ້າທີ່ໃນປ່າຢູ່ແຂວງຜົ້ງສາລີ ແລະໄດ້ເດີນທາງກັບຄືນເມືອງຊຽງຮຸ່ງງ ເຊິ່ງຜົນສຳເລັດດັ່ງກ່າວໄດ້ເປັນຂີດໝາຍສະແດງໃຫ້ເຫັນວ່າ ຈີນແລະລາວເລີ່ມສຳຫຼວດແນວພັນສັດປ່າທີ່ໃກ້ຈະສູນພັນຢູ່ເຂດຊາຍແດນລະຫວ່າງສອງປະເທດຢ່າງເປັນທາງການ.
ການຝຶກອົບຮົມເທື່ອນີ້ເນັ້ນເປັນການຍົກລະດັບຄວາມຮູ້ແລະປະສິດທິພາບໃນການເຮັດວຽກຢູ່ປ່າຂອງເຈົ້າໜ້າທີ່ສອງຝ່າຍ ເພື່ອຮັບປະກັນໃຫ້ແກ່ການສຳຫຼວດ ແນວພັນສັດປ່າທີ່ໃກ້ຈະສູນພັນຢູ່ປ່າ ໂດຍການເອົາຊ້າງອາຊີແລະເສືອອິນດູຈີນເປັນໂຕແບບ ໃນເຂດປ່າສະຫງວນທີ່ມີຫຼາກຫຼາຍຊີວະນາໆພັນຂອງຈີນ-ລາວ ແລະບັນລຸການຊົມໃຊ້ຂໍ້ມູນ ກໍຄືຜົນສຳເລັດໃນການສຳຫຼວດຮ່ວມກັນ.
ເຈົ້າໜ້າທີ່ 10 ທ່ານຈາກແຂວງຫຼວງນ້ຳທາປະເທດລາວ ແລະ 25 ທ່ານ ຈາກກິ່ງແຂວງສິບສອງພັ່ນນາແຂວງຢຸນນານຈີນໄດ້ເຂົ້າຮ່ວມຊຸດຝຶກອົບຮົມດັ່ງກ່າວ.