ທ່ານກາມັດ ຜູ້ວ່າການທະນາຄານພັດທະນາໃໝ່ປະເທດບຣິກສໃຫ້ສຳພາດຢູ່ຊຽງໄຮທີ່6ກໍລະກົດນີ້ໂດຍກ່າວວ່າ, ຫຼັງທະນາຄານເປີດບໍລິການມາເປັນເວລາ2ປີ,ກໍໄດ້ຮັບຜົນງານທີ່ໜ້າເພິ່ງພໍໃຈ, ຄືສາມາດສ້າງພື້ນຖານການພັດທະນາໄດ້ຢ່າງໝັ້ນທ່ຽງ, ຂະນະທີ່ໃນປີນີ້ແລະປີໜ້າຈະອະນຸມັດອີກ5ໂຄງການຢູ່ຈີນ, ເຊິ່ງມີມູນຄ່າເຖິງ1,7ຕື້ໂດລາ.
ວັນທີ21ກໍລະກົດປີ2015ຜ່ານມາ, ທະນາຄານພັດທະນາໃໝ່ປະເທດບຣິກສໄດ້ເປີດບໍລິການຢ່າງເປັນທາງການ.ແລະຄາດວ່າໃນປີນີ້ຈະອະນຸມັດ10-15ໂຄງການ, ມູນຄ່າແຕ່2,5ຕື້ - 3ຕື້ໂດລາ. ສ່ວນປີ2017-2018,ກໍກຳລັງກະກຽມ 23 ໂຄງການທີ່ມີມູນຄ່າເຖິງ6ຕື້ໂດລາ, ໃນນີ້ຢູ່ຈີນມີ5ໂຄງການ ມູນຄ່າປະມານ1,7ຕື້ໂດລາ, ເຊິ່ງລ້ວນແຕ່ເປັນເງິນກູ້ຂອງລັດຖະບານ (Sovereign loans), ໂດຍຈະສຸມໃສ່ຂົງເຂດພະລັງງານສີຂຽວ, ລົດໄຟໃຕ້ດິນ,ສະໜາມບິນແລະສິ່ງກໍ່ສ້າງພື້ນຖານໂຄງລ່າງອື່ນໆ.
ປີ2016,ທະນາຄານດັ່ງກ່າວໄດ້ອະນຸມັດ7ໂຄງການໃຫ້5ປະເທດສະມາຊິກ, ເຊິ່ງມີມູນຄ່າ1,5ຕື້ໂດລາ, ໂດຍເນັ້ນໃສ່ຂົງເຂດພະລັງງານສີຂຽວ,ຄົມມະນາຄົມແລະອື່ນໆ.