ວັນທີ 6 ກໍລະກົດນີ້, ສະພາແຫ່ງຊາດຝຣັ່ງ (ສະພາຕ່ຳ) ປະກາດໃນເວັບໄຊທາງການວ່າ,ສະມາຊິກສະພາແຫ່ງຊາດໄດ້ລົງຄະແນນສຽງເຫັນດີໃຫ້ແກ່ຍາວພາວະສຸກເສີນໄປຈົນເຖິງວັນທີ 1 ພະຈິກປີນີ້.
ນີ້ແມ່ນການແກ່ຍາວພາວະສຸກເສີນເທື່ອທີ 6 ຕິດຕໍ່ກັນ ນັບແຕ່ນະຄອນຫຼວງປາຣີເກີດເຫດກໍ່ການຮ້າຍເມື່ອເດືອນພະຈິກປີ 2015.
ນັກວິເຄາະຊີ້ໃຫ້ເຫັນວ່າ, ນີ້ອາດຈະແມ່ນເທື່ອສຸດທ້າຍ. ສຳລັບການແກ່ຍາວພາວະສຸກເສີນ ແຕ່ແນວໃດກໍ່ດີ ເມື່ອຮັບມືກັບການຕ້ານການກໍ່ການຮ້າຍເຊິ່ງຈຳເປັນຕ້ອງເອົາໃຈໃສ່ເປັນເວລາຍາວນານນັ້ນ, ລັດຖະບານຝຣັ່ງກຽມໃຊ້ມາດຕະການຕ້ານການກໍ່ການຮ້າຍຈຳນວນໜຶ່ງໃນສະພາບການປະກາດພາວະສຸກເສີນກາຍມາເປັນວຽກປະຈຳວັນ ເພື່ອສ້າງກົນໄກຕ້ານການກໍ່ການຮ້າຍໃຫ້ເກີດຜົນເປັນຈິງຫຼັງສິ້ນສຸດການປະກາດພາວະສຸກເສີນແລ້ວ.
