ກອງປະຊຸມສຸດຍອດກຸ່ມ 20 ປະເທດຄັ້ງທີ 12 ໄດ້ໄຂຂຶ້ນຢູ່ແຮມເບິກ ຕົວເມືອງໃຫຍ່ອັນດັບສອງຂອງເຢຍລະມັນໃນວັນທີ 7 ກໍລະກົດນີ້ ໂດຍຝ່າຍຕ່າງໆຈະຫາລືຫົວຂໍ້ຕ່າງໆ ເປັນຕົ້ນ ເສດຖະກິດແລະການຄ້າໂລກ, ການພັດທະນາແບບຍືນຍົງ, ການປ່ຽນແປງດິນຟ້າອາກາດກັບພະລັງງານ, ການຕ້ານລັດທິກໍ່ການຮ້າຍ, ຊາວອົບພະຍົບ ແລະອື່ນໆ ຢ່າງເລິກເຊິ່ງໃນກອງປະຊຸມທີ່ຈະດຳເນີນເປັນເວລາ 2 ວັນເທື່ອນີ້.
ຕອນເຊົ້າວັນທີ 7 ກໍລະກົດນີ້, ທ່ານນາງແອງເຈີລາ ເມີແຄວ ນາຍົກລັດຖະມົນຕີເຢຍລະມັນ ກໍໄດ້ຕ້ອນຮັບປະມຸກລັດແລະຫົວໜ້າລັດຖະບານຂອງປະເທດຕ່າງໆ ທີ່ມາເຂົ້າຮ່ວມກອງປະຊຸມ ຢູ່ສູນປະຊຸມແລະວາງສະແດງແຮມເບິກ ແລະຕອນບ່າຍ ທ່ານກໍໄດ້ປາໄສໃນພິທີເປີດປະຊຸມວ່າ: ຫົວຂໍ້ກອງປະຊຸມສຸດຍອດປີນີ້ໄດ້ຊີ້ໃຫ້ເຫັນເຖິງຄວາມຈຳເປັນຂອງການເພີ່ມທະວີການຮ່ວມມືໃນຂອບເຂດທົ່ວໂລກ.